Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Hagoluhan pakon Pangidangion Jadwal Parlajaran  |  Juni 2017

 HAGOLUHAN NI HALAK KRISTEN

Dalankon ma Aturan ni Jahowa

Dalankon ma Aturan ni Jahowa

Ibahen Jahowa do aturan bani manisia. Umpamani, itotapkon do anggo parhajabuan ai pardomuan ni sada dalahi pakon sada naboru sadokah sidea manggoluh. (Mat 19:4-6, 9) Iuhum do na mangkorjahon parriah-riahon. (1Kor 6:9, 10) Ibere do homa aturan hubani juakjuak-Ni sonaha marpakeian na dear.​—5 Mus 22:5; 1Tim 2:9, 10.

Sonari, bahat do halak na lang ra mangihutkon aturan ni Jahowa. (Rom 1:18-32) Sidea mangihutkon parpakeian ampa parlahou ni dunia on. Bahat do halak lang maila hassi pe sambor parlahouni janah ihata do homa halak na lang sarupa pakon sidea.​—1Ptr 4:3, 4.

Tapi, hita na gabe Saksi-Saksi Jahowa, maningon idalankon hita do aturan-Ni. (Rom 12:9) Sonaha carani? Maruhur ma hita patugahkon bani na legan aha do na iharosuhkon Jahowa. Tapi maningon ipatuduh hita homa marhitei pambahenanta. Umpamani, sanggah mamilih pakeian, boi isungkun hita dirinta, ‘Humbani pakeian na hupilih, ai harosuh ni Jahowa atap dunia do na huihutkon?’ Atap sanggah mamilih sitontonan, sungkun homa, ‘Ai iharosuhkon Jahowa do on? Parlahou na sonaha do na ipataridah ijon? Aha do pangkorhonni sitontonan ai bangku? (Ps 101:3) Ai boi do on mambahen tartolsu kaluargangku atap na legan?’​—1Kor 10:31-33.

Mase ponting tumang mangihutkon aturan ni Jahowa? Halani lang piga dokah nari, ripaskonon ni Jesus ma dunia na jahat on. (Hes 9:4-7) Pitah halak na mangkorjahon harosuh ni Naibata do na ipaluah. (1Joh 2:15-17) Ihutkon hita ma aturan ni Jahowa ase marhitei parlahounta na madear, ai boi gabe hasaksian janah pasangapkon Naibata.​—1Ptr 2:11, 12.

Humbani parpakeianku, aturan ni ise do na huihutkon?

TONTON MA VIDEO GABE HASOMAN NI JAHOWA—SADA DALAHI, SADA NABORU, JANAH BALOSI MA SUNGKUN-SUNGKUN ON:

  • Mase dear anggo hita mangihutkon aturan ni Jahowa?

  • Mase aturan ni Jahowa maningon iajarhon namatoras bani niombahni humbani haetek-etekonni nari?

  • Sonaha na maposo pakon namatua mangurupi na legan ase mandapot guna humbani habujuron ni Naibata?