Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Hagoluhan pakon Pangidangion Jadwal Parlajaran  |  Juni 2017

 HAGOLUHAN NI HALAK KRISTEN

Marmalas ni Uhur Mambaritahon Barita na Madear

Marmalas ni Uhur Mambaritahon Barita na Madear

Ongga do sunsah iahap ham laho marbarita? Bahat do halak na mangahap sonai. Mase? Halani bahat halak na ijumpahi hita lang parduli atap mabiar hita marsahap bani halak na so tinanda. Tontu on mambahen hita lang be marmalas ni uhur. Tapi Naibata na martuah in sihol ase hita mambalosi-Si ibagas malas ni uhur. (Ps 100:2; 1Tim 1:11) Aha do tolu alasan na mangurupi hita ase marmalas ni uhur?

Na parlobei, baritanta marisi pangarapan. Bahat do halak sonari lang be marpangarapan. Halani ai, “Ambilan Na Madear” na iboan hita boi pamalaskon uhur ni sidea. (Jes 52:7) Tapi barita pasal Harajaon ni Naibata pe boi pamalaskon uhurta. Jadi, paima marbarita, rimangi ma pasu-pasu na sihol parohon ni Naibata i tanoh on.

Na paduahon, marguna do barita na madear ai bani pardagingon ampa partonduyon. Iajari do sidea ase manadingkon horja na sambor janah marpangarapan hagoluhan na sadokah ni dokahni. (Jes 48:17, 18; Rom 1:16) Pingkirhon ma porlu do horjanta on halani mambere haluahon. Hassi pe adong halak na lang ra manangar, totap ma ringgas hita mangindahi halak na ra manjalo baritanta.​—Mat 10:11-14.

Na patoluhon, on ma na siporlunan halani horjanta boi pasangapkon Jahowa. Arga do Bani horja parambilanonta on. (Jes 43:10; Heb 6:10) Ibere Jahowa do tonduy-Ni hubanta ase boi hita mangkorjahon tugasta. Jadi, pindo ma malas ni uhur bani Jahowa, halani ai do buah ni tonduy. (Gal 5:22) Marhitei pangurupion-Ni, lang be mabiar hita sanggah marbarita. (Lah 4:31) Lang soal ra do atap lang halak manjalo, boi do hita totap marmalas ni uhur mambaritahon barita na madear.​—Hes 3:3.

Na ija do na iharosuhkon nasiam sanggah mangidangi? Sonaha ham patuduhkon malas ni uhur?

TONTON MA VIDEO RINGGAS USE HALANI MARLAJAR AMPA MARIMBAGASKON JANAH BALOSI MA SUNGKUN-SUNGKUN ON:

  • Hassi pe gati hita marbarita, mase maningon ibahen hita mambasa janah marimbagaskon Bibel na siporlunan?

  • Sonaha hita mangusihi si Mary?

  • Attigan do panorangmu na sosok laho marimbagaskon Hata ni Naibata?

  • Aha do na mambahen malas uhurmu sanggah marbarita?