Langsung hu konten

Langsung hu daptar isi

 HAGOLUHAN NI HALAK KRISTEN

Lambin Pandei Ibagas Pangidangion—Bahen ma Sungkun-Sungkun na Dear

Lambin Pandei Ibagas Pangidangion—Bahen ma Sungkun-Sungkun na Dear

MASE PONTING: “Songon bah bagas do uhur ni jolma ibagas”. Jadi sungkun-sungkun ai usih do songon timba laho mambuat bah. (Pod 20:5) Anggo hita mambahen sungkun-sungkun, boi ma ibotoh hita pandapot ni halak. Anggo ibahen hita sungkun-sungkun na dear, dear homa ma hasilni. Jesus do siusihan mambahen sungkun-sungkun na dear. Sonaha do hita mangusihi ia?

SONAHA CARANI:

  • Gunahon ma sungkun-sungkun na boi mangurupi halak ase patugahkon na ibagas uhurni. Sonai do na ibahen Jesus laho mambotoh aha na ipingkirhon susianni. (Mat 16:13-16; be-IN alm. 238 ¶4-6) Sungkun-sungkun aha do na laho ibahen nasiam?

  • Gunahon ma sungkun-sungkun na marisi pilihan na boi mangurupi sidea mangarusi na sintong. Sonai do na ibahen Jesus sanggah mamodahi si Petrus. (Mat 17:24-26) Sungkun-sungkun aha do na laho ibahen nasiam laho mangurupi halak ase mambahen pilihan na sintong?

  • Puji ma sidea. Sanggah adong halak na pandei mambalosi, ipuji Jesus ma ia. (Mrk 12:34) Sonaha do ham boi mamuji sasada halak na mambalosi sungkun-sungkunmu?

TONTON MA BAGIAN NA PARLOBEI HUMBANI VIDEO LAKUKAN PEKERJAAN YANG YESUS LAKUKAN—MENGAJAR, ANJAHA BALOSI MA SUNGKUN-SUNGKUN ON:

  • Hassi pe sintong do ganup na ihatahon sanina ai, mase lang siusihan na madear na ibahenni ai?

  • Mase lang sungkup pitah patorangkon sanggah mangajari halak?

TONTON BAGIAN PADUAHON HUMBANI VIDEO AI, ANJAHA BALOSI MA SUNGKUN-SUNGKUN ON:

  • Sonaha do sanina ai mambahen sungkun-sungkun na dear?

  • Aha ope na sihol iusihi hita humbani sanina na mangajari ai?

Anggo dear hita mangajari, aha do gunani ai bani halak na legan? (Luk 24:32)