Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Hagoluhan pakon Pangidangion Jadwal Parlajaran  |  Desember 2017

 HAGOLUHAN NI HALAK KRISTEN

Lambin Pandei ibagas Pangidangion​—⁠Manjumpahi Ganup Halak i Iananta

Lambin Pandei ibagas Pangidangion​—⁠Manjumpahi Ganup Halak i Iananta

MASE PORLU: Nabi Sakaria mangkatahon buei halak humbani bangsa na marbagei-bagei sahap marosuh manjalo barita na madear. (Sak 8:23) Tapi ise do na mangajari sidea? (Rom 10:13-15) Tanggung jawabta do padaskon barita na madear bani ganup halak i iananta.​—od-IN 84 ¶10-11.

SONAHA CARANI:

  • Persiapkon. Ai gati do nasiam jumpah pakon halak marbahasa na legan? Gunahon ma JW Language laho marlajar sonaha padaskon barita bani sidea. Atap marhitei henponmu patuduh ma sonaha mangindahi hatorangan bani sahap na iarusi ia i jw.org

  • Paruhurhon ma halak. Sanggah nasiam marbarita hun rumah hu rumah, sirsir ma homa marbarita hubani halak na montas i dalan atap na paimahon motor. Sanggah marbarita bani ianan na mabuei, porluhon ma ai ulang na legan

  • Ulang marnaloja. Anggo lang adong halakni i rumah, marusaha ma manrohi use bani panorang na legan. Janah ra do adong piga-piga simada rumah na boi ibere hasaksian i dalan, marhitei surat, atap telepon

  • Rohi use. Mintor rohi ma use halak na ra manangar baritanta. Anggo ia marbahasa na legan, pindahi ma parbarita na mangarusi sahapni. Paima dapot parbarita ai, totap ma ham na manrohi use.​—od-IN 94 ¶39-40

TONTON MA VIDEO MARBARITA “DAS HU UJUNG NI TANOH ON”, JANAH BALOSI MA SUNGKUN-SUNGKUN ON:

  • Aha do na maningon ipasirsir sanina-botou na laho marbarita hu ianan na daoh? (1Kor 9:22, 23)

  • Tantangan aha do na ijumpahi sidea?

  • Pasu-pasu aha na idapot sidea?

  • Aha do na boi ibahen nasiam ase boi manjumpahi bahat halak i iananmu?