Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Hagoluhan pakon Pangidangion Jadwal Parlajaran  |  April 2017

 HAGOLUHAN NI HALAK KRISTEN

Alo-alo ma Sidea

Alo-alo ma Sidea

Ise do na laho ialo-alo? Haganup sidea na roh hu partumpuanta, na baru atap hasomanta. (Rom 15:7; Heb 13:2) Ra do hasomanta na roh hun nagori na legan atap pe parbarita na lang aktif na dob dokah lang roh hu partumpuan. Bayangkon ma anggo nasiam songon sidea. Ai lang malas uhurmu anggo ham ialo-alo? (Mat 7:12) Halani ai, dear ma alo-alo sidea na roh hu Balei Harajaon, sanggah lape martumpu atap pe dob salosei martumpu. On boi pamalaskon uhur janah pasangapkon Naibata Jahowa. (Mat 5:16) Tontu ra do lang boi hita marsahap bani ganup na roh hu partumpuan. Hassi pe sonai, anggo ra hita mangalo-alo, on boi pamalaskon uhur sidea na roh. *

Tontu, hita dear mangalo-alo lang pitah bani Pardingatan, tapi bai ganup panorang. Anggo sidea mangahapkon holong parsaninaon sanggah parlobei sahali roh hu partumpuan, on mangojur sidea laho mamuji janah manombah Naibata.​—Joh 13:35.

^ par. 3 Domu bani prinsip hun Bibel, sanggah na ipecat atap pe na papuligkon diri humbani kuria roh hu partumpuan, hita lang marsaor pakon sidea.​—1Kor 5:11; 2Joh 10.