Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Hagoluhan pakon Pangidangion Jadwal Parlajaran  |  April 2017

 HAGOLUHAN NI HALAK KRISTEN

Doding Harajaon Patoguhkon Uhurta

Doding Harajaon Patoguhkon Uhurta

Sanggah i penjara si Paulus ampa si Silas, mandoding do sidea mamuji Naibata. (Lah 16:25) Bani panorang Nazi i Jerman, hasoman sahaporsayaonta mandodingkon doding Harajaon sanggah sidea i kamp konsentrasi Sachsenhausen ampa sanggah i habuangan Siberia. Hunjon taridah ma anggo doding boi patoguhkon uhurta sanggah ibagas parlajouan.

Buku doding na baru ai marjudul ‘Bernyanyilah dengan Gembira’ bagi Yehuwa, janah sirsir mando bani buei bahasa. Dob ijalo buku ai, hita boi marlatih mandodingkon sanggah mambahen parlajaran Bibel kaluarga ase boi iparimbagaskon hita lirik-ni. (Ep 5:19) Jadi, sanggah hita ibagas parlajouan, boi hita iurupi tonduy na pansing laho mardingat ai. Janah on mambahen hita ase totap mamingkirhon pangarapanta. Gabe toguh ma uhurta. Lirik-lirik ni doding ai mambahen hita marhinsah ni uhur, janah hita boi marolob-olob sanggah mandoding. (1Kron 15:16; Ps 33:1-3) Jadi, dear ma gunahon doding-doding Harajaonta!

TONTON MA VIDEO DODING NA PATOGUHKON SIPARRODI. DOB AI, ULAS MA SUNGKUN-SUNGKUN ON:

  • Aha do na mangojur Sanina Frost mambahen doding?

  • Sonaha doding ai patoguhkon ganup sanina i kamp konsentrasi Sachsenhausen?

  • Sonaha doding-doding Harajaon boi patoguhkon uhurta bai ganup ari?

  • Doding na ija do na sihol idingat ham?