Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Hagoluhan pakon Pangidangion Jadwal Parlajaran  |  April 2017

 HAGOLUHAN NI HALAK KRISTEN

Nasiam Boi Mangurupi Parbarita na Lang Aktif

Nasiam Boi Mangurupi Parbarita na Lang Aktif

Bani ari Selasa 11 April, buei do parbarita na lang aktif roh hu Pardingatan. Sidea domma marlintun i dalan hu hagoluhan, tapi mulai surut ringgas ni uhurni. Piga-piga alasanni ipatugah bani buku Kembalilah kepada Yehuwa. (Heb 12:1) Hassi pe sonai, totap do sidea maharga bani Jahowa halani domma itobus marhitei daroh ni Anak-Ni. (Lah 20:28; 1Ptr 1:18, 19) Sonaha hita boi mangurupi sidea ase mulak use hu kuria?

Marusaha do sintua i kuria mangindahi ampa mangurupi sidea usih songon parmahan na mangindahi biribiri na mandaoh humbani hulanan. (Luk 15:4-7) On pataridahkon holong atei ni Jahowa. (Jer 23:3, 4) Lang pitah sintua na mangurupi sidea. Ganup hita boi do homa dihut mangurupi janah pataridahkon holong ni atei. Malas do uhur ni Jahowa janah ipasu-pasu do hita halani ai. (Pod 19:17; Lah 20:35) Jadi, pingkirhon ma ise do na boi iurupi nasiam, janah mintor horjahon ma!

TONTON MA VIDEO MANGURUPI NA LANG AKTIF, DOB AI ULAS MA SUNGKUN-SUNGKUN ON:

  • Aha do na ibahen si Abbey sanggah ia jumpah pakon sahalak Saksi na lang itandani?

  • Mase porlu hita manungkun sintua anggo sihol mangurupi sidea na lang aktif?

  • Aha do na ipasirsir si Abbey sanggah ia laho manrohi use si Laura?

  • Sonaha si Abbey pataridahkon hasabaron ampa holong sanggah ia marusaha mangurupi si Laura?

  • Aha na boi iparlajari hita humbani limbaga ni Jesus bani Lukas 15:8-10?

  • Pasu-pasu aha do na dapot halani rap mangurupi si Laura?