Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Tangihon ma Naibata Ase Manggoluh Sadokah ni Dokahni

 PARLAJARAN 5

Masa ni si Noak​—Ise na Manangihon? Ise na Lang?

Masa ni si Noak​—Ise na Manangihon? Ise na Lang?

Masa ni si Noak bahatan do na manghorjahon hajahaton. 1 Musa 6:5

Marginompari ma si Adam pakon si Hawa, gabe buei ma jolma i atas tanoh on. Adong piga-piga malekat na manlawan Naibata songon Sibolis.

Roh ma sidea hu tanoh on maniru doskon jolma, ibuat ma naboru-naboru ai gabe parinangonni. Humbani naboru-naboru ai tubuh ma halak na gogoh anjaha jahat.

Bahat do jolma parjahat i atas tanoh on. Bibel manghatahon, ”Lambin roh banggalni hajahaton.”

 Itangihon si Noak do Naibata, janah ibahen ma parau ai. 1 Musa 6:13, 14, 18, 19, 22

Si Noak jolma na bujur. Jahowa patugahkon hubani si Noak, Ia laho manasap halak parjahat marhitei Bah na Sumbang.

Naibata manuruh si Noak laho mambahen parau na banggal, anjaha mamboan hubagas kaluarga pakon pinahan-pinahan.

Domma ipaingat si Noak pasal parroh ni Bah na Sumbang, tapi sidea lang manangihon. Adong na tartawai, adong nasogam hubani si Noak.

Dob salosei parau ai, ipamasuk si Noak ma pinahan-pinahan ai.