Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Balos ni 10 Sungkun-Sungkun na Maposo

 SUNGKUN-SUNGKUN 9

Porsaya do Ahu bani Evolusi?

Porsaya do Ahu bani Evolusi?

MASE PORLU

Anggo tongon do evolusi ai, lang dong ma tujuanta manggoluh. Tapi anggo panompaon do na tongon, gabe adong ma pangarapanta bani ari simagira.

AHA NA LAHO BAHENONMU?

Bayangkon ma sarita on: Bingung do si Alex. I sikkolah, guru Biologi mangajarhon tongon do evolusi ai. Tapi si Alex porsaya Naibata do sitompa haganup. Tapi lang ra ia songon na oto ididah halak. Anjaha ninuhurni, ‘Ilmuwan do na mangajarhon evolusi, mase ma lang porsaya ahu?’

Anggo ho si Alex, satuju do ho bani evolusi halani ai do na iajarhon i sikkolah?

PINGKIRHON MA!

Porsaya do halak bani evolusi atap panompaon. Tapi lang ibotoh sidea mase sidea porsaya ai.

  • Porsaya do halak bani panompaon halani ai do na iajarhon i gereja.

  • Porsaya do halak bani evolusi halani ai do na iajarhon i sikkolah.

 PINGKIRHON MA

Bibel mangkatahon, “Ai ganup rumah, adong do na paulihonsi, tapi Naibata do na mangadongkon haganup.” (Heber 3:4) Boi do hita porsaya bani ayat ai?

Anggo lang porsaya hita adong panompa, sarupa ma ai anggo hita lang porsaya adong na pajongjongkon rumah on

NINI HALAK: Alam semesta on tarjadi halani dong ledakan.

1. Ise do na mambahen ledakan ai?

2. Ija do na lobih masuk akal—ganupan na adong tarjadi sandiri atap halani adong na mambahen?

NINI HALAK: Manisia berevolusi humbani binatang.

3. Anggo manisia berevolusi humbani binatang, sontohni kera—mase ma pandeinan manisia humbani kera ai?

4. Mase ma bentuk kehidupan yang paling “sederhana” sunsah iarusi hita?

NINI HALAK: Evolusi domma tarbukti.

5. Ai domma itangkasi sidea buktini ai?

6. Sadiha bahat do halak na porsaya pasal evolusi pitah halani mangihutkon ajaran ni ilmuwan?

“Anggo ho hu harangan, longang do ho halani mangidah adong sada rumah hayu na jenges. Tapi ra do ho mangkatahon songon on, ‘Aih jenges tumang ma rumah on. Tontu rumah on adong halani hayu-hayu na marumbak.’ Tontu lang masuk akal ai. Anggo ai pe lang masuk akal, mase ma hita porsaya anggo alam semesta on tarjadi sandiri?”—Julia.

“Bayangkon ma. Ipatugah ma bamu dong ledakan i sada percetakan. Maramburan ma ganup tintani hu dingding, dob ai tercipta ma sada kamus. Porsaya do ho ai?”—Gwen.

 MASE MA AHU PORSAYA BANI NAIBATA

Bibel mangojur ho ase “maruhur”. (Rom 12:1) Artini, ulang porsaya bani Naibata pitah halani

  • PANGAHAP (Huahap dong hagogohon na so taridah)

  • TAROJUR HALANI HALAK (Ganup simbalogku domma marugama)

  • IPAKSA (Namatorasku mamaksa ahu maningon porsaya bani Naibata, anggo lang manggila ma sidea)

Jadi maningon adong do alasanmu mase ho porsaya.

“I sikkolah, guruku mangajarhon pasal sonaha do cara kerja ni angkulanta. Ganupan ai dong do fungsini anjaha adong na marhorja sandiri hassi pe lang isadari hita. Ai mambahen ahu longang anjaha porsaya adong do Naibata ai.”—Teresa.

“Marosuh do ahu mambotoh ise do na pajongjongkon gedung tinggi, na mambahen kapal atap motor. Sontohni motor. Pasti dong jolma na pandei na mamba- hen ai, halani dong bahat komponen na etek tapi dear marfungsi. Anggo motor pe adong na mambahen, tarlobih ma angkulanta on.”—Richard.

“Lambin bahat ahu marlajar pasal biologi, lambin lang porsaya be ahu bani evolusi. Pangahaphu, urahan do porsaya bani Naibata marimbangkon bani evolusi.—Anthony.

NA PORLU IRIMANGI

Domma marpuluh-puluh tahun ilmuwan manangkasi pasal evolusi tapi lape haganup iarusi sidea. Anggo sidea pe lape mangarusi, mase ma hita maningon mangkaporsayai ai?