Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Balos ni 10 Sungkun-Sungkun na Maposo

 SUNGKUN-SUNGKUN 4

Sonaha do Anggo Ahu Mambahen Hasalahan?

Sonaha do Anggo Ahu Mambahen Hasalahan?

MASE PORLU

Anggo iakui ho hasalahanmu, ho pe boi lambin martanggung jawab janah halak pe boi porsaya bamu.

AHA NA LAHO BAHENONMU?

Bayangkon ma sarita on: Sanggah marbola pakon hasomanni, ilempar si Tim ma bola janah posah ma kaca jendela ni tetangga.

Anggo ho si Tim, aha na laho bahenonmu?

PINGKIRHON MA!

DONG TOLU PILIHAN:

  1. Lintun.

  2. Mansalahkon na legan.

  3. Patugah ma bani tetanggamu janah galar ma harugian ai.

Rado ipilih ho Bagian A. Tapi bahatan do gunani anggo iakui ho hasalahanmu, tarmasuk pasedahon kasa jendela atap na leganni.

 Mase Porlu Mangakui Hasalahan

  1. Ai do na tongon.

    Bibel mangkatahon, “Ihaporluhon hanami marparlahou na madear ibagas haganup.”Heber 13:18.

  2. Halak na legan pe lambin urah manasap hasalahanmu.

    Bibel mangkatahon, “Barang ise na manrongkob panlanggaronni seng martuah ai, tapi halak na mansopotkon salahni anjaha itadingkon ai, dapotan idop ni uhur do.”Podah 28:13.

  3. Siporlunan ai ma pasonangkon Naibata.

    Bibel mangkatahon, “Hagigi do halak sipanlawan bani Jahowa, tapi saor do Ia bani halak parpintor.”Podah 3:32.

Si Karina, 20 tahun, pabunihon surat tilang humbani bapani. Tapi lang boi totap ipabuni ai. Nini si Karina, “Dob satahun, tardapot bapa ma surat ai. Gabe tambah ma masalahku!”

Aha parlajaranni? Nini si Karina, “Lambin parah do situasi anggo ipabuni hita hasalahanta. Tarbotoh do ai use!”

MARLAJAR HUMBANI HASALAHAN

Bibel mangkatahon, “Ganup hita gati marsalah.” (Jakobus 3:2) Songon na ihatahon ayat on, anggo iakui hita hasalahanta, ai ma tanda halak na toruh maruhur anjaha dewasa. Ai do dalan na sintong.

Dob ai, marlajar ma hita humbani hasalahanta. Nini sada anak boru na margoran si Vera, “Marlajar do ahu humbani hasalahanku. Ai boi mangurupi ahu gabe halak na lobih dear janah boi holi mangatasi masalah na legan.” Torih hita ma sonaha mangkorjahon ai.

Ipinjam ho ma sepeda ni bapamu, tapi seda ibahen ho. Aha do na sihol bahenonmu?

  • Lang ipatugah ho janah arapanmu pe bapamu lang mambotoh ai.

  • Podas ipatugah ho bani bapamu aha na tarjadi.

  • Ipatugah ho bani bapamu tapi isalahkon ho halak na legan.

Lang lulus ho ujian halani lang marlajar. Aha do na sihol bahenonmu?

  • Isalahkon ho soal ujian ai.

  • Martanggung jawab halani lang dear puttenmu.

  • Ihatahon ho halani lang marosuh do gurumu ai bamu.

Anggo sai idingat ho hasalahanmu, usih ma ai songon torus mangidah spion sanggah mamboan motor

 Sonari pingkirhon ma porini ho gabe (1) bapamu atap (2) gurumu. Sonaha do pangahap ni bapamu atap pe gurumu anggo iakui ho hasalahanmu ai? Tapi sonaha do pangahap ni sidea anggo ipabuni ho hasalahanmu ai?

Ibagas na satahun on, aha na laho bahenonmu anggo ho mambahen hasalahan?

Hasalahan aha do ai? Sonaha do ho mangatasi ai?

  • Huponopkon hasalahanku.

  • Husalahkon halak na legan.

  • Mintor huakui hasalahanku.

Anggo lang iakui ho hasalahanmu, sonaha ma holi pangahapmu?

  • Sonang—Lang pala mahua ai!

  • Manosal—Maningon hupatugah do namin na sasintongni.

Sonaha do ho mangatasi masalah ase lambin dear?

Aha do na boi iparlajari ho humbani hasalahanmu?

SONAHA PANDAPOTMU?

Mase dong halak na lang ra mangakui hasalahanni?

Sonaha do pandapot halak anggo lang iakui ho hasalahanmu, tapi sonaha do pangahap ni sidea anggo iakui ho hasalahanmu?Lukas 16:10.