Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Balos ni 10 Sungkun-Sungkun na Maposo

 SUNGKUN-SUNGKUN 5

Sonaha do Anggo Dong na Mangganggui Ahu?

Sonaha do Anggo Dong na Mangganggui Ahu?

MASE PORLU

Sonaha parlahoumu sanggah iganggu, boi mambahen situasini lambin dear atap lang.

AHA NA LAHO BAHENONMU?

Bayangkon ma sarita on: Lang ra be si Thomas hu sikkolah halani tolu bulan na salpu, ihata-hatai do ia. Ibahen use gelar-gelarni. Sipata dong na mandabuhkon bukuni anjaha dong na manjulakkon ia, tapi sanggah ididah hupudi lang dong na mangaku. Dob ai adong homa na mangancam ia marhitei internet . . .

Anggo ho si Thomas, aha na laho bahenonmu?

PINGKIRHON MA!

Sasintongni boi do ho manlawan sidea tapi lang mamakei kekerasan. Sonaha carani?

  •   TOTAP TONANG. Bibel mangkatahon, “Halak na oto ipapuas do ganup ringisni, tapi anggo halak na maruhur itahan do ai.” (Podah 29:11) Anggo totap tonang, sidea pe lang ra be mangganggui ho.

  • ULANG MAMBALAS. Bibel mangkatahon, “Ulang ma balaskon nasiam na jahat balas ni na jahat.” (Rom 12:17) Anggo ho mambalas, lambin parah do holi situasini.

  • ULANG DOHORI SIDEA. Bibel mangkatahon, “Halak na pantas mangidah parmaraan, jadi marponop ma ia.” (Podah 22:3) Padaoh ma dirimu humbani sipangganggu, anjaha ulang roh hu ianan ni sidea.

  • LAMLAM MA BALOSI. Bibel mangkatahon, “Balos na lamlam pahombun ringis.” (Podah 15:1) Ho pe boi marguro-guro. Sontohni, anggo adong na mangejek ho halani momburmu, balosi ma, “Eeh . . . domma moru on.”

  • SIP MA. Nini si Nora na marumur 19 tahun, “Anggo sip hita sanggah iganggui, artini dewasa do hita anjaha gogohan humbani sidea. Ai patuduhkon anggo hita boi manrajai diri.”2 Timoteus 2:24.

  • PERCAYA DIRI MA. Gati do sidea marosuh mangganggui hita halani ididah sidea parbiar do hita. Tapi anggo percaya diri do hita, seng pag sidea mangganggu.

  • PATUGAH BANI NA LEGAN. Sahalak guru mangkatahon, “Huojur do sidea na iganggu ase ipatugah bani halak na legan. Ai do dalan na sintong ase ulang iganggui be sidea.”

Usih songon apuy do parsahapni sipangganggu