Langsung hu konten

Langsung hu menu sekunder

Saksi-Saksi Jahowa

Batak (Simalungun)

Sitaronon, Dong do Ujungni?

Sitaronon, Dong do Ujungni?

Sonaha pandapot Nasiam?

  • Adong.

  • Lang adong.

  • Lang hubotoh.

 AHA NA IHATAHON NI BIBEL

”Anjaha apusan-Ni ma sagala iluh humbani mata ni sidea, seng dong be hamatean, age pusok ni uhur, age partangisan, age halojaon seng dong be, ai domma salpu na parlobei in.”Pangungkabon 21:3, 4, Bibel.

GUNANI BANI NASIAM

Ta botoh ma, lang hape Naibata na mambahen sitaronon.Jakobus 1:13.

Tarapoh halani ta botoh Naibata mangarusi paruhuranta.Sakaria 2:12.

Adong pangarapanta, marujung do holi sitaronon on.Psalmen 37:9-11.

 BOI DO HITA PORSAYA BANI BIBEL?

Boi. Adong dua pandapot pasal ai:

  • Lang marosuh Naibata mangidah sitaronon ampa hajahaton. Rimangi ma, sonaha do paruhuran ni Naibata Jahowa sanggah bangsaNi iarsik-arsik? Bibel manghatahon, ”Marpangulaki do uhur ni Naibata halani doruh-doruh pakon arsik-arsik ni bangsaNi.”Panguhum 2:18.

    Sogam do uhur ni Naibata hubani parjahat. Sontoni, Bibel manghatahon ”tangan siduruskon daroh na so marpipot” hagigihon do ai bani Naibata.Podah 6:16, 17.

  • Isarihon Naibata do hita haganup. Jahowa mangontang hita ase mangompaskon haganup hinolsohta hu Bani, halani isarihon do hita.1 Petrus 5:7.

    Marhitei HarajaonNi, sihol do Ia manasap sitaronon ni jolma. (Mateus 6:9, 10) Sanggah paimahon ai, mangapoh do Ia bani ganup halak na pintor.Lahoan ni Apostel 17:27; 2 Korint 1:3, 4.

 NA BOI IPIKKIRHON

Mase Naibata seng ope manasap sitaronon?

Sungkun-sungkun on ipatugah do bani Bibel, ROM 5:12 pakon 2 PETRUS 3:9.