Langsung hu konten

Langsung hu menu sekunder

Saksi-Saksi Jahowa

Batak (Simalungun)

Aha do HarajaonNi Naibata?

Aha do HarajaonNi Naibata?

Anggo iahap ham, ai . . .

  • na adong ibagas uhurta?

  • sada ianan na adong i surga?

  • sada pamarentahan na adong i surga?

 AHA NA IHATAHON NI BIBEL

”Pajongjongon ni Naibata na i surga ai ma sada harajaon, na so tarpatunduk ronsi sadokah ni dokahni.”Daniel 2:44, Bibel.

”Ai domma tubuh banta sada na etek-etek, ibere do banta sada anak, tampei bani abarani do panggomgomion.”Jesaya 9:5.

GUNANI BANI NASIAM

  • Nasiam boi manggoluh ibagas hadameion bani pamarentahan na pintor anjaha boi ihaporsayai.Jesaya 48:17, 18.

  • Nasiam boi mangahapkon hasehaton na gokan dear anjaha marmalas ni uhur i dunia baru na laho roh.Pangungkabon 21:3, 4.

 BOI DO HITA PORSAYA BANI BIBEL?

Boi. Adong dua pandapot pasal ai:

  • Jesus domma patuduhkon aha na boi ibahen Harajaon Naibata. Ia mangajari hagahup pangihutni martonggo ase roh Harajaon Naibata anjaha saud harosuh ni uhurNi i tanoh on. (Mateus 6:9, 10) Jesus patuduhkon anggo tonggo ai maningon ibalosi.

    Sanggah i tanoh on, Jesus mambere mangan na loheian, pamalumhon na boritan, anjaha pagoluhkon jolma na dob matei! (Mateus 15:29-38; Johannes 11:38-44) On patuduhkon anggo i ari na magira, sanggah Jesus mamarentah gabe raja Harajaon Naibata, ia boi mambahen na lobih banggal hubani rayatni.Pangungkabon 11:15.

  • Na masa i dunia on patuduhkon parrohni Harajaon Naibata lang dokah nari. Jesus mangatahon paima Harajaon ai pasaudkon hadameion i tanoh on, maningon masa lobei porang, loheian, pakon lalou bani buei nagori.Mateus 24:3, 7.

    Anjaha ai ma na ta idah sonari on. Jadi, hita boi porsaya, Harajaon Naibata lang dokah nari laho manasap haganup parsualan.

 NA BOI IPIKKIRHON

Aha do na laho iahapkon rayatni Harajaon Naibata?

Sungkun-sungkun on ipatugah do bani Bibel, PSALMEN 37:29 pakon JESAYA 65:21-23.

PARLAJARI LOBIH BAHAT

BARITA NA MADEAR HUMBANI NAIBATA!

Aha do Harosuh ni Naibata bani Tanoh on?

Bibel patorangkon mase Naibata manompa tanoh on, attigan do sitaronon on marujung, anjaha sonaha do tanoh on bani ari magira pakon halak na tading ijai.