Langsung hu konten

Langsung hu daptar isi

Aha do Sura-Sura ni Naibata Hubanta?

Aha do Sura-Sura ni Naibata Hubanta?

SANGGAH nasiam mambasa koran, manonton TV, atap pe manangar radio, bahat do barita pasal hajahaton, porang, ampa terorisme. Marsitaronon do ra nasiam halani naborit atap pe marujung goluh na hinaholonganmu.

Rimangi ma:

  • Ai on do harosuh ni Naibata hu bangku ampa kaluargangku?

  • Ija do boi dapot ahu pangurupion sanggah dong parsoalan?

  • Ai ra do adong hadameion?

Balos ni sungkun-sungkun ai dong bani Bibel.

 BIBEL MANGAJARHON BAHENON NI NAIBATA MA HALONGANGAN I SAB TANOH ON.

 MANDAPOT GUNA HUN PARLAJARAN BIBEL

Ra do pangahap nasiam pitah nipi hansa na isurat bani alaman na parlobei i buku on. Tapi lang piga dokah nari Naibata sihol padearhon tanoh on, songon na dob ijanjihon-Ni. Anjaha ipatorang Bibel do sonaha janji ai boi saud. Bahat ope na ipatorang Bibel. Ipatugah do banta na porlu ihorjahon ase marmalas ni uhur goluhta sonari on. Pingkirhon ma lobei, aha na gati mambahen nasiam holsohan. Boi do halani duit atap parsoalan kaluarga, naborit, atap marujung goluh na ihaholongi nasiam. Bibel boi mangurupi janah mangapoh nasiam sanggah manaron hasunsahan marhitei balos ni sungkun-sungkun on:

 Sasintongni, sanggah ibasa nasiam buku on, ai patuduhkon anggo nasiam sihol mambotoh aha na iajarhon Bibel. Buku on boi mangurupi nasiam. Bai ganup paragrap dong sungkun-sungkun na mangurupi nasiam mangarusi isi ni Bibel. Marjuta halak marosuh mangulas Bibel rapkon Saksi-Saksi Jahowa. Andohar sonai homa nasiam. Ipasu-pasu Naibata ma ham ase mambotoh aha na iajarhon Bibel bamu!