Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Kaluarga Nasiam Boi Martuah

 Bagian 2

Patotap ma Uhurmu bani Pasangan Hidupmu

Patotap ma Uhurmu bani Pasangan Hidupmu

”Na dob pinadomu ni Naibata, seng bulih sirangon.”Markus 10:9

Jahowa mamarentahkon hita ase ulang mosei. (Maleaki 2:16) Ponting tumang do ai ibagas partongah jabuan halani anggo lang totap uhur, seng boi marsihaporsayaon. Janah porlu tumang do marsihaporsayaon ase lambin marsihaholongan.

Sonari on, buei do na mambahen lang totap uhur ibagas partongah jabuan. Ase partongah jabuan totap toguh, dong dua na maningon ihorjahon nasiam.

 1 BAHEN MA PARTONGAH JABUANNIMA SIPORLUNAN

AHA NA IHATAHON BIBEL: ”Mananda na ija siporlunan.” (Pilippi 1:10) Partongah jabuannima aima sada na ponting ibagas goluhnima. Jadi ai do siporlunan.

Jahowa marosuh ase totap ma ipardiateihon ham pasangan hidupmu anjaha rap ”marmalas ni uhur”. (Parambilan 9:9) Torang do ipatugah Jahowa ase nasiam marusaha sonaha boi pamalaskon uhur ni pasangan hidupmu. (1 Korint 10:24) Bahen ma pasangan hidupmu mangahapkon anggo ia ihaporluhon anjaha ihargai.

NA BOI IBAHEN NASIAM:

  • Bahen ma tongtong panorang nasiam haduasi laho marbualbuali

  • Pasomal ma manghatahon ”hita” ulang ”ahu”

2 JAGA MA UHUR NASIAM

AHA NA IHATAHON BIBEL: ”Barang ise na mangidah naboru anjaha oji ia, domma marbangkis ia ibagas uhurni.” (Mateus 5:28) Anggo sasada halak torus mamingkirhon halak na legan lanjar mangkarosuhkonsi, boi ihatahon domma lang totap be uhurni bani pasangan hidupni.

Jahowa manghatahon, ”Jaga ma uhurmu.” (Podah 4:23; Jeremia 17:9) Manghorjahon ai, nasiam maningon manjaga panonggor. (Mateus 5:29, 30) Usih ma si Job, na marpadan bani panonggorni ase ulang mangidah naboru na legan lanjar mangkarosuhkonsi. (Job 31:1) Patotap ma uhurmu ase ulang sahali pe mangidah pornograpi. Anjaha ulang marhasoman hasoman pakon na legan.

NA BOI IBAHEN NASIAM:

  • Tangkas torang ma bahen bani halak na legan anggo nasiam na totap uhur do bani pasangan hidupmu

  • Pingkirhon ma paruhuran ni pasangan hidupmu, anjaha mintor pasoh haganup parhasomanan na boi paboritkon uhurni