Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Kaluarga Nasiam Boi Martuah

 Bagian 3

Sonaha Pasaloseihon Parsualan

Sonaha Pasaloseihon Parsualan

”Marsihaholongan botul ma nasiam, ai irungkub holong ni uhur in do buei dousa.”1 Petrus 4:8

Dobkonsi nasiam marhajabuan, sai adong do parsualan. Boi do ai halani legan bei pingkiran, paruhuran, pakon hasomalan. Boi do homa humbani halak na legan atap na lang isangka.

Sipata ra do ipaturut sonin parsualan ai, tapi Bibel mangojur hita ase parsualan isaloseihon. (Mateus 5:23, 24) Sidearan pasaloseihon parsualan ai ma marhitei mandalankon podah ni Bibel.

 1 RIAHKON PARSUALANNI

AHA NA IHATAHON BIBEL: ”Adong . . . panorang marsahapi.” (Parambilan 3:1, 7) Bahen nasiam ma panorang laho mansahapkon parsualan. Torang ma patugah bani pasangan hidupmu sonaha do paruhuran pakon pangahapmu bani parsualan ai. Bai ganup panorang, ”hatahon nasiam ma na sintong” bani pasangan hidupmu. (Epesus 4:25) Sanggah laho manggila tumang uhur, rajai ma diri ase ulang maringori. Balos na lamlam boi do padaohkon ringis.Podah 15:4; 26:20.

Age pe lang sapandapot nasiam, totap ma ham basar, haholongi anjaha sangap ma bahen pasangan hidupmu. (Kolosse 4:6) Anggo adong parsualan mintor isaloseihon, ulang sipsip bei.Epesus 4:26.

NA BOI IBAHEN NASIAM:

  • Bani panorang na dear riahkon ma parsualanni

  • Ulang isappangi sanggah pasangan hidupmu marsahap

 2 TANGIHON JANAH ARUSI

AHA NA IHATAHON BIBEL: ”Marsihaholongan ma . . . Marsilobei-lobeian ma nasiam marsipasangapan.” (Rom 12:10) Sonaha ham manangihon, ai do siporlunan. ’Sapangahapan . . . anjaha martoruh ni uhur’ ma mangarusi pandapot ni pasangan hidupmu. (1 Petrus 3:8; Jakobus 1:19) Ulang ipakulah-kulah manangar. Anggo boi pasoh lobei horjamu, dob ai tangihon ma ia. Anggo lang tarbahen, hatahon ma bani ari na legan isahapkon. Lang ”maurahtu uhurmu manggila” anggo pasangan hidupmu iahap ham hasoman, sedo imbang.Parambilan 7:9.

NA BOI IBAHEN NASIAM:

  • Dear ma tangihon age pe lang sosok iahap ham

  • Tangar ma aha do maksudni, pardiateihon bohini, pakon sorani

3 DALANKON HAPUTUSAN NA DOB IBAHEN

AHA NA IHATAHON BIBEL: ’Ibagas sagala hangaluton adong do untung, tapi pitah sahap parohkon hahurangan.’ (Podah 14:23) Lang pitah satuju haputusan ai, tapi porlu do idalankon. Mandalankon on mamorluhon usaha na gogoh tapi ai lang soya-soya. Anggo nasiam sapanriahan, ”dapotan upah na madear” ma nasiam.Parambilan 4:9.

NA BOI IBAHEN NASIAM:

  • Tontuhon ma aha do na sihol bahenon nasiam laho pasaloseihon parsualan

  • Tongtong ma pareksa parubahan na dob ibahen nasiam