Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Nasiam Boi Marhasoman Pakon Naibata!

 Parlajaran 14

Hasoman-Hasoman ni Naibata Padaohkon Aha na Masambor

Hasoman-Hasoman ni Naibata Padaohkon Aha na Masambor

Ielek-elek Setan do jolma laho manghorjahon na masambor. Barang ise pe na sihol gabe hasoman ni Naibata maningon mangkagigihon aha na ihagigihon Jahowa. (Psalmen 97:10) On ma piga-piga na maningon ipadaoh hasoman-hasoman ni Naibata:

Hisap-hisap ni daging. ”Ulang ho marbangkis.” (2 Musa 20:14) Rap modom anggo lape marhajabuan lepak do ai​—1 Korint 6:18.

Hamabukon. Na so sitean harajaon ni Naibata do partenggen​—1 Korint 6:10.

Pamunuhon, Manggugurhon. ”Ulang ho mamunuh.”​—2 Musa 20:13.

Panangkoon. ”Ulang ho manangko.”​—2 Musa 20:15.

Parladung. Ihasogamkon Jahowa do ”dilah siparladung.”​—Podah 6:17.

 Hajahaton pakon parringis tumang. Ihasogamkon Jahowa do halak na mangkarosuhkon hajahaton. (Psalmen 11:5) ”Horja ni daging [dihut do] . . . ringis.”​—Galatia 5:19, 20.

Parjudian. ”Ulang ma saor nasiam . . . bani paruhur haut.”​—1 Korint 5:11.

Mangkasogami suku bangsa na legan. ”Haholongi hanima ma munsuhnima, anjaha tonggohon hanima ma na marburu hanima.”​—Mateus 5:43, 44.

Marguna do banta haganup na ipatugah Naibata. Sipata seng urah padaohkon diri humbani ganup parlahou na masambor, tapi marhitei pangurupion ni Jahowa pakon Saksi-SaksiNi boi do nasiam mandalankon harosuhNi.​—Jesaya 48:17; Pilipi 4:13; Heber 10:24, 25.