Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Nasiam Boi Marhasoman Pakon Naibata!

 Parlajaran 2

Naibata, Hasoman Sidearan na Boi Idapot Nasiam

Naibata, Hasoman Sidearan na Boi Idapot Nasiam

Marhasoman pakon Naibata ai ma na sidearan ibagas goluhta. Iajar Naibata do ham ase boi martuah; anjaha ipaluah do homa humbani haporsayaon na manlembang pakon hasomalan na masambor. Itangihon Naibata do tonggo nasiam. Iurupi Naibata do nasiam ase boi mangahapkon hadameion ibagas uhur. (Psalmen 71:5; 73:28) Ipargogohi Naibata do nasiam bani masa hasunsahan. (Psalmen 18:19) Anjaha Naibata pe membere nasiam silayak-layak ai ma hagoluhan sisadokah ni dokahni.​—Rom 6:23.

Sanggah nasiam padohorhon diri bani Naibata, nasiam pe lambin dohor hubani hasoman ni Naibata. Sidea pe gabe hasoman ni nasiam songon na marsanina. Malas do uhur ni sidea mangurupi nasiam ibagas hasunsahan anjaha mangajarhon pasal Naibata.

Hita seng dos pakon Naibata. Anggo marhasoman pakon Naibata dong na porlu ibotoh nasiam. Parhasomanan pakon Naibata seng songon parhasomanan pakon manisia. Ia domma dong humbani na basaia, lobih maruhur, anjaha gogohan marimbangkon hita. Anggo sihol hita gabe hasomanNi, maningon ra do hita manangihon anjaha manghorjahon harosuhNi. Ganupan on marguna do hubanta.​—Jesaya 48:18.