Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Nasiam Boi Marhasoman Pakon Naibata!

 Parlajaran 5

Manggoluh i Paradeiso do Holi Hasoman ni Naibata

Manggoluh i Paradeiso do Holi Hasoman ni Naibata

Paradeiso sedo songon iananta sonari on. Seng marosuh Naibata tanoh on igoki parsualan atap pe pusok ni uhur. I ari magira, harosuh Naibata mambahen tanoh on gabe paradeiso. Sonaha do holi Paradeiso ai? Sonari torih hita ma aha na ihatahon ni Bibel:

Bujur halakni. Holi Paradeiso gabe ianan hasoman ni Naibata. sidea holi mambahen na dear hubai na legan. Janah sidea holi manggoluh domu hubai hinarosuh ni Naibata.​—Podah 2:21.

Sipanganon buei. I Paradeiso lang adong be na loheian. Bibel patugahkon: ”Sai junah ma omei [atap, sipanganon] i tanoh in.”​—Psalmen 72:16.

Rumahni jenges pakon horja ijai pamalaskon uhur. Ijai, holi lang adong be na manewa halani adong bei do rumahni. Anjaha seng soya-soya horja ni sidea.​—Jesaya 65:21-23.

 Hadameion i sab tanoh on. Lang adong be hamateian halani parporangan. Bibel manghatahon: ”[Naibata] pasohkon parmunsuhan.”​—Psalmen 46:9, 10.

Hasehaton na gokan dear. Bibel patugahkon, i paradeiso lang adong be holi na borit. (Jesaya 33:24) Lang adong be na repat, na mapitung, na nengel, atap pe na bisu.​—Jesaya 35:5, 6.

Ujung ni sitaronon ampa hamateian. Bibel manghatahon: ”Seng dong be hamateian, age pusok ni uhur, age partangisan, age halojaon seng dong be, ai domma salpu na parlobei in.”​—Pangungkabon 21:4.

Lang adong be halak parjahat. Domma ibagahkon Jahowa: ”Halak parjahat ripasonkon do hun tanoh ai, anjaha halak sipangosei iorbat do hunjai.”​—Podah 2:22.

Halak ijai marsihaholongan pakon marsipasangapan. Ijai lang adong be holi hagedukon, na marsik, paruhur haut, ampa sogam ni uhur. Halak ijai sapanriah anjaha marguru hubai hapintoron ni Naibata.​—Jesaya 26:9.