Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Nasiam Boi Marhasoman Pakon Naibata!

 Parlajaran 10

Sonaha do Mananda Ugama na Sintong?

Sonaha do Mananda Ugama na Sintong?

Anggo sihol nasiam marhasoman pakon Naibata, maningon do nasiam manghorjahon ajaran na hinarosuhkon Naibata. Jesus patugahkon panumbah na sintong manombah Naibata ibagas ”hasintongan.” (Johannes 4:23, 24) Pitah sada do dalan na sintong laho manombah Naibata. (Epesus 4:4-6) Ugama na sintong manogu-nogu hu hagoluhan sadokah ni dokahni, tapi ugama na ladung manogu-nogu hu hamagouan.​—Mateus 7:13, 14.

Nasiam boi mananda ugama na sintong marhitei mampardiateihon halakni. Halani Jahowa ai bujur, tontu sisombahSi pe halakni bujur. Usih songon bona ni jagul na jenges buah ni pe jenges, sonai homa do ugama na sintong halak ni pe bujur.​—Mateus 7:15-20.

Hasoman-hasoman ni Jahowa manghargai Bibel. Ibotoh sidea do Bibel ai humbani Naibata. Ibahen sidea do Bibel manogu-nogu hagoluhan ni sidea, mangurupi ibagas parsualan, anjaha mangurupi sidea laho mananda Naibata. (2 Timoteus 3:16) Marusaha do sidea manghorjahon aha na iajarhon sidea.

 Marsihaholongan do hasoman-hasoman ni Jahowa. Jesus manghaholongi marhitei mangajari halak pasal Naibata, pakon pamalumhon na boritan. Panumbah na sintong pe marsihaholongan. Songon Jesus, sidea seng mapas mangidah halak na masombuh, atap suku-suku na legan. Nini Jesus ganup halak boi mananda ise susianni anggo sidea marsihaholongan.​—Johannes 13:35.

Ipasangap hasoman-hasoman Naibata do goranNi, Jahowa. Anggo sada halak seng ra mamakei goranmu, boi do ia gabe haso­manmu? Tontu lang! Anggo dong hasomanta tontu hita mamakei goranni anjaha patugahkon na madear pasal ia bani na legan. Sonai homa do ise pe na gabe hasoman Naibata maningon do mamakei goranNi anjaha patugahkon pasal Ia bani halak na legan. Ai do harosuh ni Jahowa hubanta.​—Mateus 6:9; Rom 10:13, 14.

Hasoman-hasoman Naibata mangajari halak pasal Harajaon ni Naibata usih songon Jesus. Harajaon Naibata aima sada pamarentahan i surga na laho mambahen tanoh on gabe paradeiso. Hasoman-hasoman ni Naibata mangambilankon ambilan na madear pasal Harajaon Naibata bani na legan.​—Mateus 24:14.

Marusaha do Saksi-Saksi Jahowa ase boi marhasoman pakon Naibata. Ihargai sidea do Bibel anjaha marsihaholongan. Ipakei anjaha ipasangap sidea do goran Naibata ampa mangajari pasal Harajaon ni Naibata bani na legan. Sonari on Saksi-Saksi Jahowa do na manghorjahon ugama na sintong i tanoh on.