Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Ise na Manghorjahon Harosuh ni Jahowa Sonari On?

 PARLAJARAN 9

Sonaha do Sarani Pasirsirhon Parlajaran i Partumpuan?

Sonaha do Sarani Pasirsirhon Parlajaran i Partumpuan?

Kamboja

Ukraina

Anggo Nasiam marlajar Bibel hubani sahalak Saksi Jahowa, paima ipungkah parlajaran, ra do Nasiam mangidah lobei bahanni. Sonai homa ma namin ibahen Nasiam, sanggah lape roh hu partumpuan, bahat do gunani ai hubanta. Hasil na dear boi dapotta anggo hita ringgas marlajar i rumah.

Tontuhon panorangni pakon iananni laho marlajar. Attigan do panorang Nasiam na dear boi manrimangi? Sogod ni ari do sanggah lape laho marhorja, atap borngin sanggah niombah domma modom? Hassi pe Nasiam lang boi marlajar dokah, tontuhon piga-piga minit na boi igunahon Nasiam laho marlajar, janah ulang ipaturut Nasiam aha pe na boi mangganggu. Torih ma ianan na tonang, anjaha padaoh haganup na boi manlembangkon pingkiran, sontoni: radio, TV, talepon. Martonggo ma laho marlajar halani boi do ai mangurupi Nasiam ase lambin tonang marlajar hubani Hata ni Naibata.—Pilippi 4:6, 7.

Tandai ma bahan parlajaran, anjaha pasirsir ma sonaha ase boi mambere pandapot. Parlobei, ahapkon lobei haganup gambaranni pasal parlajaran. Pingkirhon judul parlajaran atap bindu. Sonai homa, pingkirhon sonaha subjudul na domu bani temani, janah torih gambar-gambarni pakon sungkun-sungkun na gabe rimpunanni. Dob ai, basa ma sada-sada paragrap, ampa darami ma balos ni sungkun-sungkun na adong bani paragrap. Buha ampa basa ma haganup ayat-ayatni, pakon pingkirhon sonaha ayat ai domu hu parlajaran. (Lahoan ni Apostel 17:11) Dob dapot balosni, tandai ma piga-piga hata atap hunsi i paragrap ai na boi mangurupi Nasiam mardingat balosni. Dob ai, anggo Nasiam sihol martuduh i partumpuan laho padaskon balosni, pasirsir ma pandapot ni Nasiam na luar humbai uhur.

Marhitei marmasam parlajaran i partumpuan siap minggu, habotohon Nasiam lambin buei.Mateus 13:51, 52.

  • Hasomalan aha do na dear ipupuk Nasiam laho roh hu partumpuan?

  • Sonaha do Nasiam pasirsirhon pandapot na laho ipadas i partumpuan?