Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Ise na Manghorjahon Harosuh ni Jahowa Sonari On?

 PARLAJARAN 15

Sonaha do Ganup Sintua Mangidangi i Kuria?

Sonaha do Ganup Sintua Mangidangi i Kuria?

Pinlandia

Mangajar

Marmahan

Mambere hasaksian

Bani organisasi nami, lang adong pandita na ibayar. Tapi, songon kuria Kristen na parlobei, ganup si parugas na sosok itotapkon ”ase iparmahani kuria ni Tuhan”. (Lahoan ni Apostel 20:28) Ganup sintua on aima ganup dalahi na gogoh ibagas partonduyonni na mamboban horja i kuria, pakon marmahan hulanan ”ulang songon paksaan, tapi humbani malas ni uhur ma [i lobei ni Naibata], ulang ma halani uhur haut, tapi humbani porlu ni uhur ma”. (1 Petrus 5:1-3) Aha do na ihorjahon sidea bannami?

Mangurus ampa manjaga hanami. Ganup sintua manogu-nogu kuria pakon manlinggomi ibagas partonduyon. Halani domma manrimangi, Naibata do na mambere haporsayaon bani horja na ponting, ganup sintua lang mansuba manrajai bani juak ni Naibata. Tapi, sidea marusaha mambahen malas ni uhur pakon partonduyon nami lambin dear. (2 Korint 1:24) Songon parmahan na bujur mangurus ganup biri-birini, ganup sintua marusaha manandai haganup pagori kuria.Podah 27:23.

Mangajar hanami sonaha manghorjahon harosuh ni Naibata. Siap minggu, ganup sintua na mangajar i partumpuan pagogohkon haporsayaon nami. (Lahoan ni Apostel 15:32) Ganup dalahi na pintor ai gabe sitiruon bani horja parambilanon, rup marhorja pakon hanami, mangajar hanami bai ganup pangidangion.

Mambere ojuran bannami marsada-sada. Ase boi manggoki haporluan partonduyon nami be, ganup sintua sipata roh do hu rumah atap pe i Balei Harajaon laho mambere pangurupion pakon pangapohon humbani Bibel.Jakobus 5:14, 15.

Ambah ni horja i kuria, dong ope horja ni sintua marhorja laho manggoki haporluan kaluargani, na mamorluhon panorangni laho mampardiateihon sidea. Sidea na pongkut marhorja on maningon do ta hormati.1 Tessalonika 5:12, 13.

  • Aha do horja ni sintua i kuria?

  • Marhitei aha deba ganup sintua mampardiateihon hanami?