Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Ise na Manghorjahon Harosuh ni Jahowa Sonari On?

 PARLAJARAN 14

Sikolah Aha Deba na Ipasirsir Bani Ganup Parintis?

Sikolah Aha Deba na Ipasirsir Bani Ganup Parintis?

Amerika Serikat

Sekolah Gilead, Patterson, New York

Panama

Pangajarion partonduyon ai domma dokah gabe tanda Saksi-Saksi Jahowa. Dong piga-piga sikolah khusus na ipasirsir bani sidea na mangidangi, na mambere gok panorang pasal mambaritahon Harajaon. Marhitei sikolah-sikolah on sidea ’mandalankon horja parambilanon anjaha gok dalankon tugasni’.2 Timoteus 4:5.

Sikolah bani Parintis. Bani ujung taun na parlobei, sahalak na dob mambere gok panorangni na gabe parintis biasa, ia boi masuk gabe murid na laho dihut sikolah dokahni onom ari. Sikolah on boi do ibahen i Balei Harajaon na dohor. Gunani aima mangurupi parintis in ase lambin dohor bani Jahowa, lambin marhasil bai ganup horja parambilanon, anjaha totap pongkut mandalankon horjani.

Sikolah bani Parambilan pasal Harajaon. Sikolah on dokahni dua bulan, ibahen laho mangajar ganup parintis na dob marpangahapan bani goluh, na ra manadingkon hutani laho marambilan na madear ija pe sidea iporluhon. Songon halak na manghatahon, ”Ijon do ahu, suruh Ham ma ahu!” dos pakon sonto na ibere Panginjil sibanggalan, Jesus Kristus na ongga mangidangi i tanoh on. (Jesaya 6:8; Johannes 7:29) Halani daoh humbani hutani, ai ra do sasahalak porlu mangubah pangabakni ase ulang marlobihan. Hasomalan, ari, pakon sipanganon ra do legan humbai hutani. Anjaha, ia pe maningon marlajar bahasa na baru. Sikolah on mangurupi sidea na lape marjabu atap na dob marjabu, na marumur 23 das 65 taun, ase dapotan uhur na jenges pasal partonduyon na iporluhon ibagas horjani sidea. Anjaha sidea iurupi ase mandapot marmasam-masam parbinotohan ase bahat na boi ibere sidea bani Jahowa pakon organisasiNi.

Sikolah Gilead Menara Pengawal. Bani sahap Heber hata ”Gilead” artini ”Humpulan na Gabe Saksi”. Dob ipajongjong sikolah on bani taun 1943, lobih humbani 8.000 na lulus domma isuruh gabe utusan injil laho mambere hasaksian ”ronsi ujung ni tanoh on”, anjaha hasilni buei tumang. (Lahoan ni Apostel 13:47) Sanggah piga-piga na lulus humbai sikolah gilead parlobei sahali das i Peru, lang adong ope kuria i nagori ai. Sonari dong lobih humbani 1.000 kuria ijai. Sanggah utusan injil nami mamungkah parambilanon i Japang, Saksi ijai lang das sapuluh halak. Sonari dong lobih humbani 200.000 Saksi i nagori ai. Sada pangajarion sadokah lima bulan i Gilead aima mamparlajari Bibel manangkasi Hata Naibata. Na iontang bani sikolah ai, aima sidea na mangidangi na gabe parintis istimewa atap utusan injil na marhorja i luar kantur, na marhorja i kantur Saksi-Saksi Jahowa i sada-sada nagori atap na mangidangi i bagas horja kaliling. Sikolah on mambere sidea marmasam pangajarion khusus laho pajengeskon horja i sab tanoh on.

  • Aha do tujuanni Sikolah bani Parintis?

  • Sikolah bani Parambilan pasal Harajaon ipasirsir hubani ise?

PARLAJARI LOBIH BAHAT

DOCUMENTARIES

Saksi-Saksi Jahowa—Iarahkon laho Mambaritahon Barita na Madear

Saksi-Saksi Jahowa domma itandai bani parlajaran Bibel ni sidea i sab dunia on. Sonaha horja ni sidea iarahkon, iatur, anjaha igugui?