Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Ise na Manghorjahon Harosuh ni Jahowa Sonari On?

 PARLAJARAN 11

Mase Hanami Dihut bai Partumpuan na Banggal?

Mase Hanami Dihut bai Partumpuan na Banggal?

Meksiko

Jerman

Botswana

Nikaragua

Italia

Mase halak on taridah marmalas ni uhur? Sidea sanggah dihut humbani sada partumpuan na banggal nami. Songon juak Naibata sapari, iparentahkon ase martumpu tolu hali sataun, hanami paima-imahon panorang martumpu ibagas bilangan na banggal. (5 Musa 16:16) Siap taun, hanami mambahen tolu partumpuan na banggal: partumpuan banggal dua hali ma ai sasadari, pakon partumpuan banggal tolu ari. Aha do gunani idapot hanami humbani partumpuan na banggal ai?

Parhasomanan nami lambin ipaorot. Songon bangsa Israel na marmalas ni uhur mamuji Jahowa ”ibagas sagala parhumpulan”, hanami mangahapkon panorang na sarupa sanggah manombah Jahowa bani asara-asara na sumurung. (Psalmen 26:12; 111:1) Hanami pe mandapot panorang laho pajumpah, marsaor, pakon Saksi-Saksi humbani kuria na legan atap nagori na legan. Bani tongah ari, hanami rup mangan i ianan partumpuan ai, mambahen asara partonduyon on lambin marmalas ni uhur. (Lahoan ni Apostel 2:42) Ijai, hanami mangahapkon sandiri holong na pasadahon ”bani hasoman” i sab tanoh on.1 Petrus 2:17.

Hanami iurupi ase lambin maju ibagas partonduyon. Bangsa Israel mandapot guna dob ”iarusi Buku na Pansing na ipatorang bani sidea”. (Nehemia 8:9, 13) Hanami pe manghargai pangajarion humbani Bibel na dob ijalo hanami ijai. Haganup temani ibuat humbani Bibel. Marhitei ambilan, simposium, pakon partunjukan na dear, hanami marlajar sonaha do sarani mandalankon harosuh Naibata ibagas goluh nami. Megah do uhur nami manangar sarita humbani sidea na maluah bani abad-abad na gabe halak Kristen i masa na sunsah on. Bani partumpuan banggal tolu ari, drama na ibuat humbani Bibel ipatuduh na mambere pangajarion na marguna. Bani ganup partumpuan banggal ai, dong asara pandidion bani sidea na mambere goluhni gabe juak-juak ni Naibata.

  • Mase asara partumpuan banggal sada panorang na marmalas ni uhur?

  • Aha do gunani na boi idapot anggo hita dihut bai partumpuan na banggal?