Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Ise na Manghorjahon Harosuh ni Jahowa Sonari On?

 PARLAJARAN 20

Sonaha do Pangurus Pusat Marhorja Sonari on?

Sonaha do Pangurus Pusat Marhorja Sonari on?

Pangurus pusat abad na parlobei

Mambasahon surat ni pangurus pusat

Bani masa na parlobei, hulanan na etek ”apostel-apostel ampa pangintuai-pangintuai i Jerusalem” mangidangi gabe pangurus pusat na laho mambahen haputusan na porlu, na gabe siholang haganup kuria Kristen na iminaki. (Lahoan ni Apostel 15:2) Sauhur ma sidea mambahen haputusan dob mangulas aha na ihatahon ni Bibel pakon mangihutkon panondangion tonduy Naibata. (Lahoan ni Apostel 15:25) Sonai ma idihutkon sonari on.

Ipakei Naibata laho manghorjahon harosuhNi. Sanina-sanina na iminaki na gabe Pangurus Pusat totap marpangunsandean bani Hata ni Naibata, sidea domma marpambotoh ibagas pasal horja partonduyon atap pe horja na legan. Sidea marrapot siap minggu laho mamparlajari haporluan ni hasoman sahaporsayaon i sab dunia on. Songon masa na parlobei, pangarahan marhitei Bibel ipadas marhitei surat atap pe sintua kaliling pakon marhitei na legan. On mangurupi panombah Naibata ase marpingkir pakon marparlahou marhitei aturan na dob itotapkon. (Lahoan ni Apostel 16:4, 5) Pangurus Pusat mampardiateihon pasal pasirsirhon sipanganon partonduyon, pasal parambilanon Harajaon, mangawasi sanina na itabalhon na marhorja ibagas kuria.

Gopas bai arahan tonduy Naibata. Pangurus Pusat mangindo panondangion ni Jahowa, Na Tang Sitimbulan, pakon Jesus, Ulu ni Kuria. (1 Korint 11:3; Epesus 5:23) Sidea lang mangahap dirini na gabe pambobai bani panombah ni Naibata. Sidea pakon haganup halak Kristen na iminaki, ”lirikkon sidea do Anak ni biribiri in [Jesus], atap huja pe Ia laho”. (Pangungkabon 14:4) Pangurus Pusat manghargai anggo hanami manonggohon sidea.

  • Ise do pagori ni pangurus pusat bani abad parlobei?

  • Sonaha do Pangurus Pusat sonari on mangindo panondangion ni Naibata?