Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Ise na Manghorjahon Harosuh ni Jahowa Sonari On?

 PARLAJARAN 8

Mase Hanami Marpakeian Rapi hu Partumpuan?

Mase Hanami Marpakeian Rapi hu Partumpuan?

Islandia

Meksiko

Guinea-Bissau

Filipina

Ididah Nasiam do gambar Saksi-Saksi Jahowa bani buku on? Ai rapi do sidea roh martumpu hu kuria. Mase hanami mampardiateihon pakeian, jambulan pakon na legan?

Laho patuduhkon hormat hubani Naibata nami. Tongon do, Naibata lang manonggor bohi. (1 Samuel 16:7) Age pe sonai, sanggah hanami martumpu laho mamuji Naibata, sihol tumang hanami patuduhkon hormat hubani Naibata pakon hasoman sahaporsayaon. Porini hita manjumpahi sada panguhum, tontu hita mampardiateihon sonaha do rupanta mardingat jabatanni sada panguhum. Sonai homa ma rupa nami i partumpuan patuduhkon panghargaan hu Bani ”Siuhumi ganup dunia on”, Naibata Jahowa, pakon hubani ianan partumpuan nami.1 Musa 18:25.

Laho patuduhkon onjolan ni goluh nami. Bibel mangojurhon halak Kristen ase marpakeian ”hormat anjaha bulus”. (1 Timoteus 2:9, 10) Artini lang mamakei pakeian na norak, na lang hormat, atap na lang patut. Anjaha ”pingkiran na bulus” mangurupi hanami mamilih pakeian na sabas itonggor, lang marigat-rigat atap marlobihan. Age pe lang manlembang bani onjolan-onjolan on, buei ope pilihan na suman pakeian. Marhitei rupa sidea na jenges tonggoran janah rapi, ase ”marsangap pangajarion sipaluah hita” pakon ”pasangapkon Naibata”. (Titus 2:10; 1 Petrus 2:12) Marhitei marpakeian na rapi hu partumpuan, hanami mambere hasaksian bani halak na legan pasal haporsayaon nami hubani Jahowa.

Age pe Nasiam lape dong pakeian na sosok hu partumpuan, ulang ma malang roh hu Balei Harajaon. Pakeianta lang porlu mahal atap mewah ase taridah patut, pantas, borsih pakon rapi.

  • Mase porlu marpakeian na rapi sanggah roh hu partumpuan?

  • Onjolan na ija do na mangurupi hita mamilih pakeian pakon sonaha do rupanta?