Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Ise na Manghorjahon Harosuh ni Jahowa Sonari On?

 PARLAJARAN 2

Mase Hanami Isobut Saksi-Saksi Jahowa?

Mase Hanami Isobut Saksi-Saksi Jahowa?

Si Noak

Si Abraham pakon si Sara

Si Musa

Jesus Kristus

Bahat do halak na marpandapot, ai anggo Saksi-Saksi Jahowa aima goranni ugama na baru. Tapi, lobih 2.700 taun na salpu, panombah Naibata na sasada in na sintong i gambarhon gabe ’Saksing-Ku’. (Jesaya 43:10-12) Das hubani taun 1931, hanami itandai Parlajar ni Bibel. Mase hanami mamakei goran Saksi-Saksi Jahowa?

Goran ai patuduhkon ise Naibata nami. Marhitei surat na parlobei pasal Naibata, goran Naibata aima Jahowa, taridah marribu hali ibagas Bibel. Bueini terjemahan ni Bibel, goran on igantih gabe Tuhan atap Naibata. Tapi, sanggah marsahap hubani si Musa, Naibata na sintong patugahkon goranNi sandiri, Jahowa, janah manghatahon, ”Ai ma goran-Ku sadokah ni dokahni.” (2 Musa 3:15) Goran on do mambahen diriNi legan pakon naibata na ladung. Hanami megah mamboan goran Naibata na pansing.

Goran ai patuduhkon tujuan nami. Bahat do halak na basaia, humbani si Habel na pintor, mambere hasaksian ase sidea marhaporsayaon hubani Jahowa. Marratus-ratus taun dob ai, si Noak, si Abraham, si Sara, si Musa, si Daud, pakon na legan marsada na songon ”buei ni saksi manginggoti”. (Heber 11:4–12:1) Dos pakon na marsaksi i pangadilan, mangapiti sidea na lang marsalah, hanami pe sonai patotapkon uhur mambere hasaksian pasal Naibata nami.

Hanami mangusih Jesus. Ibagas Bibel ia isobut ”Saksi na bujur anjaha na bonar”. (Pangungkabon 3:14) Jesus sandiri manghatahon, anggo ia domma patugahkon goran Naibata, anjaha torus ”manaksihon hasintongan” pasal Naibata. (Johannes 17:26; 18:37) Halani ai, halak Kristen na sintong maningon mamboan pakon patugahkon goran ni Jahowa. Ai ma na ihorjahon Saksi-Saksi Jahowa.

  • Mase Parlajar ni Bibel mamakei goran Saksi-Saksi Jahowa?

  • Nattigan do saksi-saksiNi dong i tanoh on?

  • Ise do tokoh si banggalan na mambere hasaksian pasal Jahowa?