Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Ise na Manghorjahon Harosuh ni Jahowa Sonari On?

 PARLAJARAN 24

Sonaha do Horja Nami i Sab Dunia Ibalanjai?

Sonaha do Horja Nami i Sab Dunia Ibalanjai?

Nepal

Togo

Inggris

Organisasi nami mangaluarhon pakon mambagihon marratus juta Bibel, pakon buku na legan siap taun na lang marpamboli. Hanami pajongjongkon pakon mangurus bahat Balei Harajaon pakon kantur Saksi-Saksi Jahowa i sada-sada nagori. Hanami mangurupi marribu parhorja Betel pakon utusan injil, pakon hanami mambere pangurupion kemanusian sanggah adong hasunsahan. Jadi, Nasiam ra do manungkun, ’sonaha do haganup ai ibalanjai?’

Hanami lang mangindou-indou saparsapuluh, guguan, atap durung-durung. Age pe balanja bani horja parambilanon banggal, hanami lang mangindou-indou duit. Lobih saabad na salpu, kaluaran na paduahon majallah Ambilan na Madear na patugahkon anggo hanami porsaya, Jahowa do na manokong hanami, pakon hanami ”lang ongga mangindou-indou atap pe mangelek-elek manisia manokong hanami”—janah tongon lang ongga!Mateus 10:8.

Parhorjaan nami isokong humbani tumpak banggal ni uhur. Bahat do halak manghargai horja pangajarion ni Bibel na ihorjahon hanami anjaha mambere tumpak. Saksi sandiri pe sonang uhurni manumpakki marhitei panorang, gogoh, duit, pakon aha na dong bani sidea ase saud harosuh Naibata i sab tanoh on. (1 Kronika 29:9) Sidea na sihol mambere tumpak boi mandabuhkon hu bagas poti-poti na adong i Balei Harajaon pakon bani ianan partumpuan banggal. Boi do homa mambere tumpak marhitei situs Webnami i jw.org. Bahat do duit ai roh humbani halak na biasa, sontoni sada naboru na mabalu na masombuh ipuji Jesus halani idabuhkon dua rimis hu poti parartaan i rumah Naibata. (Lukas 21:1-4) Jadi, ise pe boi tongtong ”papulikkon sibar na tarbahensi” na laho ibere ”songon jinuljul ni uhurni”.1 Korint 16:2; 2 Korint 9:7.

Hanami porsaya anggo Jahowa tongtong mangojur-ojur uhur ni halak na sihol ’pasangapkon Jahowa marhitei habayakon’ ase saud harosuh Naibata marhitei horja Harajaon.Podah 3:9.

  • Aha do na mambahen organisasi nami legan pakon ugama na legan?

  • Hubai aha do tumpak banggal ni uhur on ipakei?

PARLAJARI LOBIH BAHAT

PUBLIKASI

Majallah Nami

Unduh majallah Ambilan na Madear pakon Sadarlah!