Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Barita na Madear Humbani Naibata!

 PARLAJARAN 9

Sonaha do Mambahen Ase Adong Hadameion Ibagas Kaluarga?

Sonaha do Mambahen Ase Adong Hadameion Ibagas Kaluarga?

1. Mase parhajabuan porlu isahkon?

Barita na madear on roh humbani Naibata na martuah. Ia sihol ase kaluarga ibagas hadameion. (1 Timoteus 1:11) Ia mamungkah parhajabuan. Parhajabuan porlu do isahkon ase kaluarga martuah anjaha niombahni ipabanggal ibagas hadameion. Jadi, anggo sihol marhajabuan maningon do mambahen satatan sipil.Basa Lukas 2:1, 4, 5.

Sonaha do Naibata mangidah parhajabuan? Naibata sihol parhajabuan na totap bani sada dalahi pakon sada naboru. Maningon do halak Kristen unduk hubani paraturan ni pamarenta. Jahowa sihol ase paramangon pakon parinangon ibagas hatengeran. (Heber 13:4) Magigih do Naibata hubani parsirangan. (Maleaki 2:16) Age pe sonai boi do halak Kristen marsirang pakon marhajabuan use anggo hasomanni marbangkis.Basa Mateus 19:3-6, 9.

2. Sonaha do parlahou na sintong bani paramangon atap pe parinangon?

Jahowa mambahen sada naboru mangurupi si Adam anjaha ibahen gabe parangguanni. (1 Musa 2:18) Anggo kopala kaluarga maningon do pongkut marhorja pasirsirhon sipanganon pakon mangajari sidea pasal Naibata. Ia maningon patuduhkon holongni bani parinangonni. Paramangon pakon parinangon maningon marsihormatan ampa marsihaholongan. Halani mardousa do hita ganup, jadi maningon do marlajar marsisasapan dousa. Aima rusiani hadameion ibagas kaluarga.Basa Epesus 4:31, 32; 5:22-25, 33; 1 Petrus 3:7.

3. Parhajabuan na lang martuah boi do marsirang?

Anggo adong parsualan ibagas parhajabuan, maningon sabar do Nasiam anjaha totap ma marparlahou na dear ibagas holong. (1 Korint 13:4, 5) Hata ni Naibata lang mangojurhon  parsirangan gabe pilihan anggo adong parsualan ibagas kaluarga.Basa 1 Korint 7:10-13.

4. Niombah, aha do harosuh ni Naibata hubani nasiam?

Jahowa sihol ase nasiam marmalas ni uhur. Ia mambere podah na madear ase nasiam boi mangahapkon hasonangan ibagas haposoonni nasiam. Ia sihol ase nasiam mambalosi na matoras, halani sidea lobih pentar pakon marpambotoh. (Kolosse 3:20) Naibata marosuh ase nasiam marmalas ni uhur halani manghorjahon harosuhNi.Basa Parambilan 11:9–12:1; Mateus 19:13-15; 21:15, 16.

5. Namatoras, aha do na iporluhon niombah ase martuah?

Nasiam porlu pongkut marhorja laho pasirsirhon sipanganon, ianan, pakon parhiouan hubani niombah. (1 Timoteus 5:8) Age pe sonai, ase sidea marmalas ni uhur, Nasiam porlu mangajari niombah manghaholongi Naibata pakon marlajar hu Bani. (Epesus 6:4) Gabe sitiruon ma Nasiam ibagas na manghaholongi Naibata, halani boi do ai hona bani uhur ni sidea. Anggo Nasiam mangajari niombah humbani Bibel, aima na gabe bohal bani sidea haduan.Basa 5 Musa 6:4-7; Podah 22:6.

Ojuran pakon pujian marguna bani niombah. Sidea pe porlu do ipinsang pakon ipodahi. Palatihan na sisonai boi do mangondingi ase sidea ulang manghorjahon aha pe na mambahen sidea mandapot hasunsahan. (Podah 22:15) Tapi, ulang ma Nasiam pakorastu maminsang niombah.Basa Kolosse 3:21.

Adong piga-piga buku na hinaluarhon Saksi-Saksi Jahowa laho mangurupi na matoras ampa niombah. Buku on ibuat humbani Bibel.Basa Psalmen 19:8, 12.

 

PARLAJARI LOBIH BAHAT

Kaluarga Nasiam Boi Martuah

Pangindo Pangurupion Naibata Ase Martuah

Dua sungkun-sungkun on boi mangurupi ase partongah jabuanima totap toguh.

Kaluarga Nasiam Boi Martuah

Sonaha Pasaloseihon Parsualan

Partongah jabuan na toguh janah martuah atap lang, itontuhon sonaha nasiam mangirikkon podah na sintong.