Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Barita na Madear Humbani Naibata!

 PARLAJARAN 6

Aha do Pangarapan bani Jolma na Dob Matei?

Aha do Pangarapan bani Jolma na Dob Matei?

1. Aha do barita na madear pasal jolma na dob matei?

Sanggah Jesus adong i tanoh on, hasomanni na margoran si Lasarus matei. Ia domma matei ompat ari sanggah Jesus roh hu rumahni. Laho ma ia hu tanomanni rap pakon si Marta ampa si Maria, botouni si Lasarus. Lang piga dokah, marrohan ma halak hujai. Boi do Nasiam mangahapkon malas ni uhurni si Marta pakon si Maria sanggah Jesus pagoluhkon si Lasarus?Basa Johannes 11:21-24, 38-44.

Si Marta domma mambotoh barita na madear pasal jolma na dob matei. Ibotoh bana do, Jahowa sihol pagoluhkon use jolma na dob matei.Basa Job 14:14, 15.

2. Sonaha do halak na matei?

Naibata manghatahon hubani si Adam, ”Orbuk do ho, halani ai maningon mulak do ho gabe orbuk.”1 MUSA 3:19.

Manisia itompa humbani orbuk ni tanoh. (1 Musa 2:7; 3:19) Halani daging do hita, jadi anggo matei lang adong otik pe humbani dirinta na totap manggoluh. Utok-utokta pe matei do, jadi lang boi mardingat age aha. Halani ai do, sanggah ipagoluh Jesus use si Lasarus, lang adong na boi isaritahonni, halani jolma na dob matei aha pe lang ibotoh.Basa Psalmen 146:4; Parambilan 9:5, 6, 10.

Tongon do Naibata mangarsik-arsik jolma na dob matei ibagas apuy? Bibel manghatahon, jolma na dob matei, aha pe lang ibotoh. Halani ai, apuy naraka ajaran na lang sintong na pabajanhon goran Naibata. Pangarsik-arsikon ni jolma hubagas apuy, hagigihon do ai hubani Naibata anjaha lang ongga adong ibagas pikiranNi.Basa Jeremia 7:31.

 3. Boi do na matei marsahap-sahap hubanta?

Na matei lang boi marsahap-sahap atap pe manangar. (Psalmen 115:17) Tapi, adong do malekat-malekat na jahat. Sidea do na marsahap-sahap ai hubanta, usih songon jolma na dob matei. (2 Petrus 2:4) Jahowa domma manghatahon ”seng bulih hita marsahap-sahap hubani jolma na dob matei”.Basa 5 Musa 18:10, 11.

4. Ise do na laho ipagoluh use?

Buei do jolma na laho ipagoluh use i tanoh on. Anjaha sidea na lang ope mananda Naibata ampa manghorjahon na geduk halani lang ibotoh harosuh Naibata, ipagoluh do use sidea.Basa Lukas 23:43; Lahoan ni Apostel 24:15.

Jolma na ipagoluh mandapot sada panorang marlajar hasintongan ni Naibata anjaha porsaya hubani Jesus ampa manghorjahon parentahni. (Pangungkabon 20:11-13) Sidea na ipagoluh ai, anjaha manghorjahon aha na dear, manggoluh ma sadokah ni dokahni i tanoh on.Basa Johannes 5:28, 29.

5. Aha do na boi ta parlajari pasal paruhuran ni Jahowa bani horjaNi na pagoluhkon jolma na dob matei?

Adong do pangarapan bani jolma na dob matei laho manggoluh use, halani Naibata domma mambere Jesus manobus dousanta. Jadi, halani horja ni Naibata ai na pagoluhkon jolma na dob matei, hita mangahapkon holong ampa dear layakNi. Sanggah sidea ipagoluh, ise do na sihol ijumpahi Nasiam parlobei?Basa Johannes 3:16; Rom 6:23.