Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Ajari ma Dakdanaknima

 PARLAJARAN 8

Si Josia Marhasoman pakon Sidea na Bujur

Si Josia Marhasoman pakon Sidea na Bujur

Pandapotmu, sunsah do mangkorjahon na sintong?— Buei do halak mangkatahon sonai. Bibel patugahkon dong sada dakdanak na margoran si Josia, na lang urah mangkorjahon na sintong. Tapi dong do hasomanni na mangurupi ia. Eta, parlajari hita pasal si Josia pakon hasomanni.

Bapa ni si Josia ai ma si Amon, raja Juda. Jahat tumang do si Amon janah manombah gana-gana. Sanggah matei bapani, gabe raja ma si Josia i Juda. Tapi ualuh tahun ope umurni! Pandapotmu, jahat do si Josia songon bapani?— Lang, bujur do ia.

Si Sepanya pasingatkon halak Juda ase ulang manombah gana-gana

Humbani dakdanak, unduk do si Josia bani Jahowa. Halani ai, ia marhasoman pakon sidea na mangkaholongi Jahowa. Iurupi sidea do si Josia mangkorjahon na sintong. Ise do deba hasomanni ai?

Sada humbani sidea margoran si Sepanya. Si Sepanya ai ma nabi na pasingatkon halak Juda, ulang manumbah  gana-gana, ase ulang roh na sambor bani sidea. Itangihon si Josia do si Sepanya, janah manombah Jahowa ma ia, sedo gana-gana.

Hasoman ni si Josia na legan ai ma si Jeremia. Saumur do sidea janah huta ni sidea marsidohoran. Marsiurupan do si Jeremia pakon si Josia laho mangkorjahon na sintong janah unduk bani Jahowa. Orot tumang do parhasomanan ni sidea. Sanggah matei si Josia, ibahen si Jeremia ma sada doding tangis-tangis na patugahkon siholan do ia bani si Josia.

Marsiurupan do si Josia pakon si Jeremia laho mangkorjahon na sintong

Aha do na boi iusihi ho humbani si Josia?— Hassi pe dakdanak si Josia, sihol do ia mangkorjahon na sintong. Halani ai, ia marhasoman pakon na mangkaholongi Jahowa. Jadi ho pe, pilih ma hasomanmu na mangkaholongi Jahowa, na boi mangurupi ho mangkorjahon na sintong!

BASA MA BANI BIBELMU

  • 2 Kronika 33:21-25; 34:1, 2; 35:25