Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Ajari ma Dakdanaknima

 PARLAJARAN 7

Ongga do Ho Lungunan janah Mabiar?

Ongga do Ho Lungunan janah Mabiar?

Idah ma dakdanak bani gambar in. Songon na lungunan janah mabiar, ai do? Ongga do ho sonai?— Sipata ganup halak ongga do mangahapkon sonai. Bibel patugahkon buei do hasoman ni Jahowa na lungunan janah mabiar. Sada humbani sidea ai ma si Elias. Eta, parlajari hita pasal si Elias.

Si Isebel sihol mamunuh si Elias

Si Elias tading i Israel. Ijia dokah nari ope partubuh ni Jesus. Ahab, raja Israel, lang manombah Naibata Jahowa. Si Ahab pakon si Isebel parinangonni, manombah gana-gana, Baal. Jadi buei ma halak Israel dihut manombah Baal. Ratu Isebel jahat tumang. Ia sihol mamunuh ganup na manombah Jahowa, tarmasuk si Elias! Aha na ibahen si Elias?—

Mintor lintun ma ia hu padang gurun, marbuni ibagas gua. Pandapotmu,  mase ia marbuni?— Tongon, mabiar do ia. Tapi sasintongni si Elias lang pala mabiar. Mase? Halani ibotoh do Jahowa boi mangurupi ia. Jahowa ongga pataridahkon kuasa hubani. Sontohni, ibalosi Jahowa do tonggo ni si Elias ai ma parrohkon apuy hun langit. Jadi, sonari pe tontu boi do Jahowa mangurupi si Elias!

Sonaha do Jahowa mangurupi si Elias?

Sanggah si Elias marbuni i gua, Jahowa marsahap bani, janah isungkun, ’Maraha do ho ijon?’ Balos ni si Elias, ’Tading ahu mando panombah ni Ham. Mabiar ahu holi ibunuh.’ Pandapot ni si Elias haganup panombah ni Jahowa domma ibunuh. Tapi nini Jahowa, ’Lang sonai. Dong 7.000 halak nari na manombah Ahu. Ulang mabiar. Buei ope horja bam!’ Pandapotmu, malas do uhur ni si Elias manangar ai?—

Aha do na iparlajari ho humbani si Elias?— Ulang be ho lungunan atap mabiar. Buei do hasomanmu na mangkaholongi Jahowa janah mangkaholongi ho. Markuasa na banggal do Jahowa, janah tongtong mangurupi ho! Sasintongni lang sandirian be ho. Malas do uhurmu mambotoh ai?—

BASA MA BANI BIBELMU

  • 1 Raja-Raja 19:3-18

  • Psalmen 145:18

  • 1 Petrus 5:9