Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Ajari ma Dakdanaknima

 PARLAJARAN 10

Tongtong do Jesus Unduk

Tongtong do Jesus Unduk

Boi do tongtong ho unduk bani namatorasmu?— Sipata lang urah tene. Ibotoh ho bani ise Jesus unduk?— Ia unduk bani Jahowa pakon namatorasni. Ia gabe siusihan na boi mangurupi ho unduk bani namatorasmu age pe sipata borat. Eta, hita marlajar pasal Jesus.

Paima Jesus roh hu tanoh on, ia pakon Bapani, Jahowa, marianan i surga. Tapi i tanoh on dong do homa namatorasni. Goran ni sidea ai ma si Josep pakon si Maria. Ibotoh ho do sonaha sidea gabe namatorasni?—

Jahowa mambahen sada halongangan. Ipapindah ma hagoluhan ni Jesus hubagas kandungan ni si Maria, lambin mabanggal ma ia i kandungan ai. Dobkonsi siah bulan, tubuh ma Jesus songon dakdanak na legan. Jadi sonai ma saritani si Josep pakon si Maria gabe namatoras ni Jesus i dunia on.

Sanggah Jesus marumur 12 tahun, ia pataridahkon holong tumang do ia bani Bapani, Jahowa. Ijia, Jesus pakon haganup kaluargani hu Jerusalem laho marpesta Paskah. Paskah ai ma pesta pardingatan ni halak Israel luar hun tanoh Masir. I pardalanan laho mulak, si Josep pakon si Maria lang mangidah Jesus bani rombongan ni sidea. Ibotoh ho do ija Jesus?—

Maraha Jesus i bait?

Mintor mulak ma use si Josep pakon si Maria laho mangindahi Jesus. Sunsah tumang pangahap ni sidea halani lang jumpah. Tapi dobkonsi tolu ari, jumpah ma Jesus i bait! Ibotoh ho do mase Jesus ijai?— Halani ijai boi ia marlajar pasal Jahowa, Bapani. Jesus mangkaholongi Jahowa anjaha sihol marlajar sonaha pasonangkon Ia. Dobkonsi garama pe ia, tongtong do ia unduk bani Jahowa, age pe borat sitarononni. Ai unduk do homa Jesus bani si Josep pakon si Maria?— Tongon, Bibel patugahkon unduk do ia.

Aha do na boi iusihi ho humbani Jesus?— Ho maningon unduk bani namatorasmu age pe sipata borat. Ra do ho?—