Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Ajari ma Dakdanaknima

 PARLAJARAN 14

Harajaon na Laho Mamarentah i Sab Tanoh On

Harajaon na Laho Mamarentah i Sab Tanoh On

Hira-hira ibotoh ho do Harajaon aha na laho iparlajari hita?— Tongon, Harajaon ni Naibata. Harajaon on laho mambahen tanoh on gabe paradeiso. Ai ra do ho marlajar pasal Harajaon ai?—

Dong do rajani haganup harajaon. Raja ai mamarentah halak na dong i nagorini. Ibotoh ho do ise Raja ni Harajaon ni Naibata?— Ai ma Jesus Kristus. Jesus marianan i nagori atas. Lang piga dokah nari, gabe Raja ni ganup halak ma ia i sab dunia on! Pandapotmu, malas do uhurta anggo Jesus mamarentah?—

Maraha do holi ho i Paradeiso?

Tontu, malas do uhurta. I Paradeiso, lang dong be na martinggili atap pe marporang. Ganup halak marsihaholongan. Lang dong be na boritan atap pe na matei. Na mapitung boi mangidah, na nengel boi manangar, na lumpuh boi marlintun janah manlumpat. Bahat do sipanganon. Ganup binatang marhasoman janah lang be manjahati hita. Sidea na matei manggoluh use. Buei dalahi pakon naboru na iparlajari hita bani buku on, manggoluh use! Sontohni si Rebekka, si Rahap, si Daud pakon si Elias.  Ai marosuh do ho jumpah pakon sidea?—

Ihaholongi Jahowa do ho janah marosuh do Ia ase ho marmalas ni uhur. Anggo tongtong ho marlajar pasal Jahowa, boi do ho manggoluh sadokah ni dokahni i paradeiso na jenges! Ai do harosuhmu?—