Langsung mi konten

Langsung mi menu peduaken

Saksi-Saksi Jahowa

Pakpak

Kadè Memaing Simpangaan Boi Nduma Janah Sennang?

Kadè Memaing Simpangaan Boi Nduma Janah Sennang?

Menurut Ndènè kade ngo i . . .

  • kèpèng?

  • ngkelleng?

  • sidèban?

 BIBÈL MENDOKKEN

”Kalak simendengkoh kata Dèbata janah mengulaken i ngono sayurntua!”​—Lukas 11:28, Lapihen Simbadia.

LAPATENNA BAI NDÈNÈ

Dapeten ngkelleng situhunna.​—Epesus 5:28, 29.

Dapeten sangap.​—Epesus 5:33.

Mengakapken kedamèen.​—Markus 10:6-9.

 BOI NGO TA PERCAYAI KATA SI NIDOKKEN BIBÈL?

Boi. Lot dua alasenna:

  • Dèbata ngo kitempa simpangaan. Bibèl mendokken bai Dèbata Jahowa ”nai ngo rohna karina pemparen”. (Epesus 3:14, 15) Jadi, Jahowa ngo si kitempa simpangaan. Kade gunana banta?

    Rimangi: Mula tapangan ­pelleng si merasa dekket naing tabettoh ngo kade bumbuna, isè ngo ta kusoi? Pasti kalak si kitasak pelleng i.

    Bagè panganen ndai, asa boi tabettoh memaing mendè simpangaanta, kennah ta pido ngo peddah bai Jahowa nai, Si kitempa simpangaan.​—1 Musa 2:18-24.

  • Dèbata iperdatèken ngo kita. Simpangaan kennah ngo mengido peddah Jahowa i Bibèl nai. Kasa? ”Ai Ia ngo pehèdu-hèduken kènè.” (1 Petrus 5:6, 7) Jahowa mengkelemmoken si mendèna banta​—janah peddahNa pè lalap merguna!​—Peddah 3:5, 6; Jesaya 48:17, 18.

 MAHAN SI PIKIRENKEN

Bakunè carana asa boi jadi sinibalè, sinibages manang pè partua si mendè?

Jawabenna lot i Bibèl si tersurat i EPESUS 5:1, 2 dekket KOLOSE 3:18-21.