Langsung mi konten

Langsung mi menu peduaken

Saksi-Saksi Jahowa

Pakpak

Mungkin ngo Kinipersuk Salpun?

Mungkin ngo Kinipersuk Salpun?

Kadè jawaben Ndènè?

  • Oda mungkin.

  • Mungkin.

  • Oda kubettoh.

 BIBÈL MENDOKKEN

”Iapusi Dèbata mo èluh kalak idi i matana nai. Oda lot nèngè kemmatèen i sidi, ai enggo salpun karinana siperlebbè i.”—Alamat 21:3, 4, Lapihen Simbadia.

LAPATENNA BAI NDÈNÈ

Memettoh oda ngo Dèbata memaing pengunjunen banta.Jakobus 1:13.

Petegguhken dirinta kumerna Dèbata mengantusi perasaanta.—Zakharia 2:8.

Lot pengharapenta, naing salpun ngo karina kinipersuk.—Psalm 37:9-11.

 BOI NGO TA PERCAYAI KATA SI NIDOKKEN BIBÈL?

Boi. Lot dua alasenna:

  • Ceggo atè Dèbata mengidah kinipersuk dekket siso adil. Pikirken bakunè atè Dèbata mengidah naposoNa isiksa. Bibèl mendokken, ndaoh kalohon atè Dèbata tikki naposoNa ”mernongalè kumerna ipekia-kia janah idohken”.—Perhukum 2:18.

    Ceggo atè Dèbata mi kalak si merpengelako jahat mi jelma sideban. Contohna, Bibèl mendokken nggogo atè Jahowa mi ”tangan memunuh siso mersalah”.—Peddah 6:16-19.

  • Dèbata i perdatèken ngo kita. Jahowa mendilo kita asa ta pessohken kelsohenta baNa ’kumerna Ia ngo pehèdu-hèduken kita’.1 Petrus 5:7.

    Merkitè KerajaenNa, Jahowa naing kipesalpun kinipersuk karina jelma. (Mateus 6:9, 10) Sinderrang madèng roh kerajaen i, Jahowa mengapoi jelma si menulusi Ia.—Ulaan Apostèl 17:27; 2 Korintus 1:3, 4.

 MAHAN SI PIKIRENKEN

Kasa ibelli Dèbata kinipersuk?

Jawabenna lot i Bibèl si tersurat i ROM 5:12 dekket 2 PETRUS 3:9.