Langsung mi konten

Langsung mi menu peduaken

Saksi-Saksi Jahowa

Pakpak

Kadè ngo Kerajaen Dèbata I?

Kadè ngo Kerajaen Dèbata I?

Menurut Ndènè . . .

  • si merbekkas i sorga?

  • pellin i bagas ukurta?

  • pemerèntahen i sorga?

 BIBÈL MENDOKKEN

”Ipejengjeng Dèbata sinisorga mo sada kerajaen si menengteng soh mi amman sumendah.”Daniel 2:44, Lapihen Simbadia.

”Enggo tubuh sada banta dukak, iberrèken banta sada anak. Ia mo gabè rajanta.”Jesaya 9:5.

LAPATENNA BAI NDÈNÈ

  • Boi nggelluh i pemerèntahen si adil dekket si boi ipercaya lako perohken kedamèen.Jesaya 48:17, 18.

  • Boi mengakapi kininjuah situhu-tuhuna dekket mersampang atè i dunia sirimbaru si naing roh.—Alamat 21:3, 4.

 BOI NGO TA PERCAYAI KATA SI NIDOKKEN BIBÈL?

Boi. Lot dua alasenna:

  • Jesus enggo kibuktiken kadè sambing si boi ibaing Kerajaen Dèbata. Ia kiajari sisiinna mersodip asa Kerajaen Dèbata roh i babo tanoh èn janah asa saut karina si ikellemoken Dèbata. (Mateus 6:9, 10) Jesus memerrè bukti mula sodip i pasti ijawab.

    Tikki i babo tanoh èn, Jesus merrè mangan kalak si melèhè, kipejuah si mersakit, dekket kipekèkè si matè! (Mateus 15:29-38; Johanes 11:38-44) Èn petuduhken mula kaduan, tikki Jesus memerèntah gabè Raja Kerajaen Dèbata, ia lako mengulaken kadè si lebih merandal mendahi rakyatna.—Alamat 11:15.

  • Simasa i dunia èn petuduhken mula Kerajaen Dèbata sigejap nai naing roh. Jesus mendokken mula sinderrang oda dèng Kerajaen Dèbata perohken kedamèen i babo tanoh èn, lako terjadi ngo geraha, kellèhèen, dekket rènur i piga-piga bekkas.Mateus 24:3, 7.

    Janah imo si taidah manang taakapi i jaman bagèndari èn. Jadi, kita boi percaya mula Kerajaen Dèbata sigejap nai naing kipesalpun karina masalah idi.

 MAHAN SI PIKIRENKEN

Kadè sambing si boi iakapi rakyat Kerajaen Dèbata?

Jawabenna lot i Bibèl si tersurat i PSALM 37:29 dekket JESAYA 65:21-23.