Langsung mi konten

Langsung mi menu peduaken

Saksi-Saksi Jahowa

Pakpak

Kadè ngo Bibèl I?

Kadè ngo Bibèl I?

Mula menurut Ndènè . . .

  • bukku bai Dèbata nai?

  • bukku sukut-sukuten?

  • surat ni jelma?

 BIBÈL MENDOKKEN

”Karina sitersurat ibas Bibèl, bai Dèbata nai ngo rohna i.”​—2 Timoteus 3:16, Lapihen Simbadia.

LAPATENNA BAI NDÈNÈ

Karina kuso-kusonta tersèngèt kenggelluhen lot jawabenna.​—Peddah 2:1-5.

Peddah simerandal mi kenggelluhenta gennep ari.​—Psalm 119:105.

Kita merpengharapen ntegguh seggen.​—Rom 15:4.

 BOI NGO TA PERCAYAI KATA SI NIDOKKEN BIBÈL?

Boi. Lot tellu alasenna:

  • Karina isi si tersurat i Bibèl sedalan. Bibèl i suratken 40 kalak sidekah 1.600 tahun, penuratna lot oda mersitandaan manang pejumpa. Belli pè bagi, isina oda lot mersialon janah sada tujuunna!

  • Kejadian najolo i bagahken situhuna. Bukku sideban biasana menutupi kesalahen manang kekurangen. Mula penurat Bibèl i isuratken ngo kesalahenna manang kekurangaen bangsana.​—2 Kronika 36:15, 16; Psalm 51:3-6.

  • Ramalen simerandal. Lot kin ngo ramalen Bibèl tersèngèt ari kehancuren nagerri Babel. (Jesaya 13:17-22) Lot ma ngo ipeteridahken Bibèl bakunè carana hancur nagerri Babel dekket isè gerar si kitalukenna!​—Jesaya 45:1-3.

Mbuè ramalen Bibèl si enggo terjadi janah pas bagè sitersurat. Karina èn lako peteguhken bai Dèbata nai ngo Bibèl i.​—2 Petrus 1:21.

 MAHAN SI PIKIRENKEN

Bakunè carana kata ni Dèbata memaing nggelluhta jadi makin mendè?

Jawabenna lot i Bibèl si tersurat i JESAYA 48:17, 18 dekket 2 TIMOTEUS 3:16, 17.