Langsung mi konten

Langsung mi menu peduaken

Saksi-Saksi Jahowa

Pakpak

Bakunè Tanggapen Ndènè tersèngèt Ari Kaduan?

Bakunè Tanggapen Ndènè tersèngèt Ari Kaduan?

Dunia èn lako . . .

  • bagèn-bagèn sambing?

  • makin mendè?

  • makin susah?

 BIBÈL MENDOKKEN

”Iapusi Dèbata mo èluh kalak idi i matana nai. Oda lot nèngè kemmatèen i sidi, ai enggo salpun karinana siperlebbè i.”—Alamat 21:3, 4, Lapihen Simbadia.

LAPATENNA BAI NDÈNÈ

Karina ulaan merasa janah mbuè hasilna.Jesaya 65:21-23.

Oda lot nè jelma mersakit dekket susah.Jesaya 25:8; 33:24.

Kenggelluhenta dekket simpangaan bak dengan-dengan lalap ngo nduma janah sennang.—Psalm 37:11, 29.

 BOI NGO TA PERCAYAI KATA SI NIDOKKEN BIBÈL?

Boi. Lot dua alasenna:

  • Dèbata boi pesautken janjiNa. I Bibèl i dokken, pellin Dèbata Jahowa ngo ”perkuasa” kumerna kuasaNa oda tersibar. (Alamat 15:3) Jadi, Jahowa tuhu-tuhu boi pesautken janjiNa lako kipemendè dunia èn. Bibèl mendokken, ”Oda lot mahal ukum bai Dèbata.”Mateus 19:26.

  • Dèbata lemmo kalohon pesautken janjiNa. Sada contoh, Jahowa nteddoh lako pegelluhken kalak si enggo matè.Job 14:14, 15.

    Bibèl pè petuduhken mula Jesus nung kipemalum kalak si mersakit. Kasa nggeut Jesus memaing i? Kumerna masèh atè Jesus midahsa. (Markus 1:40, 41) Serupa bagè Dèbata, lemmo kalohon ngo atè Jesus lako menolong kalak si perlu pertolongen.—Johanes 5:19.

    Jadi, kita boi percaya mula Jahowa dekket Jesus lemmo kalohon memaing nggelluhta sennang i ari kaduan!—Psalm 72:12-14; 145:16; 2 Petrus 3:9.

 MAHAN SI PIKIRENKEN

Bakunè cara Dèbata memaing mendè dunia èn?

Jawabenna lot i Bibèl si tersurat i MATEUS 6:9, 10 dekket DANIEL 2:44.