Langsung mi konten

Langsung mi menu peduaken

Saksi-Saksi Jahowa

Pakpak

Boi Dèng ngo Kalak si Enggo Matè Nggelluh?

Boi Dèng ngo Kalak si Enggo Matè Nggelluh?

Bakunè menurut Ndènè?

  • Oda mungkin.

  • Oda kubettoh.

  • Boi.

 BIBÈL MENDOKKEN

”Karina jelma sienggo matè-kennah balik nggelluh nola ngo.”​—Ulaan Apostèl 24:15, Lapihen Simbadia.

LAPATENNA BAI NDÈNÈ

Petegguhken dirinta tikki kalak si ta kekellengi matè.​—2 Korintus 1:3, 4.

Kita oda iperhamba perasaan mbiar midah kemmatèen.​—Heber 2:15.

Boi Pejumpa nola seggen tikki ari kekèkèn.​—Johanes 5:28, 29.

 BOI NGO TA PERCAYAI KATA SI NIDOKKEN BIBÈL?

Boi. Lot tellu alasenna:

  • Dèbata ngo kibereken kenggelluhen. Bibèl mendokken Dèbata Jahowa ngo ”benna kenggelluhen”. (Psalm 36:10; Ulaan Apostèl 17:24, 25) Si memereken kenggelluhen pasti boi kipekèkè kalak si enggo matè.

  • Dèbata enggo nung menggeluhken jelma si enggo matè. I Bibèl isuratken waluh kalak si ipekèkè Dèbata i babo tanoh èn, lot si tua-tua, si menguda, daholi dekket daberru. Lot si baru matè, lot nola si enggo matè empat ari!​—Johanes 11:39-44.

  • Lemmo atè Dèbata lako kipekèkè kalak si matè. Oda lemmo atè Jahowa mengidah kemmatèen; I anggap ngo alona i. (1 Korintus 15:26) Oda sabar nè Dèbata lako ki taluken kemmatèen. Nteddoh ngo ateNa lako pegeluhken kalak si lot i èngètenNa lako nggelluh i babo tanoh èn.​—Job 14:14, 15.

 MAHAN SI PIKIRENKEN

Kasa kita jadi tua-tua janah matè?

Jawabenna lot i Bibèl si tersurat i 1 MUSA 3:17-19 dekket ROM 5:12.