Langsung mi konten

Langsung mi daptar isi

Saksi-Saksi Jahowa

Pilih bahasa Pakpak

 PELAJAREN 28

Kadè Sambing Lot i Situs Web Nami?

Kadè Sambing Lot i Situs Web Nami?

Prancis

Polandia

Rusia

Jesus Kristus kibagahken mi karina si mengèkutkensa, ”Kennah bagi ma mo cuhaya ndènè merbindella i lebbè jelma nterrem, asa idah kalak i pemahan ndènè simerandal idi, nai ipoji mo Bapa ndènè ni sorga i.” (Mateus 5:16) Lako memahan tujuun i, kami memakkè teknologi si rembaruna, termasuk Internet. Situs Web nami, jw.org, imo bekkas lako memuat keterangen tersèngèt kepercayaen dekket ulaan Saksi-Saksi Jahowa. Kadè sambing boi idapet Kènè i sidi nai?

Jawapen Bibèl mi kuso-kuso si nggati ipikirken. Kènè boi dapet jawapen tersèngèt kuso-kuso penting si nggati ipikirken kalak. Contohna lot enem kuso-kuso penting i jawab i risalah si merjudul Maukah Anda Mengetahui Kebenaran? lot i lebih 400 bahasa. Kènè pè boi menjaka Bibèl Terjemahan Dunia Baru i lebih 100 bahasa dekket piga-piga bukku si boi ipakkè lako kipelajari Bibèl, contohna bukku Apa yang Sebenarnya Alkitab Ajarkan? (lot i Bahasa Indonesia) dekket cetaken si rembaru Menara Pengawal dekket Sedarlah! Merbagè jakaen èn boi ijaka manang ibeggè i Internet nai janah boi ibuat i format audio, PDF, manang EPUB. Kènè pè boi kicetak piga-piga halamen lako iberrèken mi kalak si nggèut ma mersiajar Bibèl, cocok mi bahasana! Piga-piga jakaen i bahasa isyarat lot ibaing gabè video. Kènè boi memuat drama penjakaen Bibèl, drama Bibèl, dekket musik si merasa kalohon ibeggè tikki tennang.

Keterangen situhunna tersèngèt Saksi-Saksi Jahowa. Lot ma berita si rembaru dekket video tersèngèt ulaan nami i suberri dunia, simasa si iakapi Saksi-Saksi Jahowa, dekket usaha kami lako memaing pertolongen tikki lot mara. Kènè boi dapet keterangen tersèngèt kebaktian kaduan dekket alamat kantor-kantor cabang nami.

Merkitè situs Web èn, kami kibagahken kesèntengen mi bekkas si ndaohna i babo tanoh èn. Karina jelma i gennep benua, termasuk Antartika, mengakapken lapatenna. Kami mersodip asa ”makin ndor . . . sukuten bai Tuhan” mi suberri dunia, asa Dèbata iperbadiaken.2 Tesalonika 3:1.

  • Bakunè jw.org mengurupi mbuè jelma lako memettoh kesèntengen Bibèl?

  • Kadè si naing i tulusi Kènè i situs Web nami?