Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 20

Bakunè Cara Kerèjo Pulungen Pengulu Saksi Jahowa i Jaman Bagèndari Èn?

Bakunè Cara Kerèjo Pulungen Pengulu Saksi Jahowa i Jaman Bagèndari Èn?

Pulungen pengulu i abad perjolo

Menjakaken surat pulungen pengulu

I abad perjolo, sada pulungen kèdèk ”apostèl bak pengendeng” si lot i Jerusalem mertugas gabè pulungen pengulu si memaing keputusen penting mewakili karina kuria Kristen si ipilih tendi perbadia. (Ulaan Apostèl 15:2) Kalak i memaing keputusen enggo kessa kiperèso kadè si idokken Bibèl janah menguèi peneggu-neguen tendi Dèbata. (Ulaan Apostèl 15:25) Bagè contoh i abad perjolo, i jaman bagèndari pè tong ibaing cara bagi.

Ipakkè Dèbata lako mengulaken lemmo atèNa. Karina daholi si ipilih tendi perbadia gabè anggota Pulungen Pengulu merpatoken kalohon mi Kata Dèbata dekket merpengalamen lako kiurus karina keperluen pertendien manang kerèjoen sidèbanna. Kalak i merpulung gennep minggu lako kibahas keperluen karina naposo Dèbata i suberri dunia. Bagè i abad perjolo, peneguen i Bibèl nai ipesakat merkitè surat manang merkitè sintua kuliling dekket merkitè sidèbanna. Karina èn mengurupi naposo Dèbata asa boi sada pikiren dekket sada ulaan. (Ulaan Apostèl 16:4, 5) Pulungen Pengulu kiperdatèken carana memaing panganen pertendien, kipemaju perberitaen Kerajaen, dekket mertanggung jawab i pelantiken karina sintua dekket hamba pelayanen.

Ngkasting mendalanken peneguen tendi Dèbata. Pulungen Pengulu mengido peneguen Jahowa, Si Perkuasa, dekket Jesus, Takal Kuria. (1 Korintus 11:3; Epesus 5:23) Karina anggota ­pulungen pengulu oda merdok atè dirina gabè pengulu naposo Dèbata. Kalak i, bagi ma kalak Kristen sidèban siipilih, ”dak ièkutken kalak i ngo Anak Biri-Biri i [Jesus] barang dempak dikè pè laus”. (Alamat 14:4) Pulungen Pengulu lemmo ­kalohon mula kami kisodipken kalak i.

  • Isè sambing anggota pulungen pengulu i abad perjolo?

  • Bakunè Pulungen Pengulu i jaman bagèndari mengido peneguen Dèbata?