Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 27

Kadè Lapaten Perpustakaen i Balè Kerajaen?

Kadè Lapaten Perpustakaen i Balè Kerajaen?

Israel

Republik Cheska

Benin

Kepulauan Cayman

Nggèut ngo Kènè mendè kiperèso mbuè jakaen asa tambah perbinettohen Bibèl Ndènè? Naing ibettoh Kènè ngo sada ayat, jelma, bekkas, manang sada barang si ibagahken i Bibèl? Manang, nung ngo Kènè merpikir bakunè Kata Dèbata boi mengurupi Kènè pesidungken masalah? Mula uè, pakkèmo perpustakaen Balè Kerajaen.

Kipepada bukku pemeresoen si merlapaten. Mungkin oda lot lik Ndènè karina publikasi Bibèl si icetak Saksi-Saksi Jahowa si lot i bahasa Ndènè. Tapi, i perpustakaen Balè Kerajaen lot mbuè merbagè jakaen si rembaruna. Mungkin lot ma merbagè terjemahen Bibèl, kamus, dekket bukku-bukku sidèban si ipakkè lako menulusi sada keterangen tambahen. Kènè boi kipakkè perpustakaen i sinderrang madèng manang enggo kessa sidung perpulungen. Mula lot ipepada komputer, mungkin lot Watchtower Library isi. Imo program komputer si murah kalohon ipakkè si merisi mbuè jakaen nami janah boi ipakkè lako menulusi keterangen tersèngèt sada pelajaren, kata, manang ayat.

Merlapaten mendahi sisiin Sikkola Perberita Kerajaen. Mula Kènè enggo mendaptar i sikkola èn, Kènè boi kipakkè perpustakaen Balè Kerajaen tikki kikerèjoken tugas i. Si mertanggung jawab i perpustakaen èn imo pengendeng sikkola. Ia kiperdatèken asa merbagè jakaen rembaru enggo lot janah mendè isusun. Ia manang guru Bibèl Ndènè boi kipetuduh carana kidapet keterangen si iperluken Kènè. Tapi, karina bukku oda boi iembah mi ruar Balè Kerajaen. Pasti ngo lemmo atènta lako kijaga dekket oda kisurat-surati bukku-bukku i.

Bibèl peterangken mula lako dapetten ”pengarusien tersèngèt Dèbata”, kita kennah menulusisa ”bagè mengayaki harta mboni”. (Peddah 2:1-5) Perpustakaen Balè Kerajaen boi ­mengurupi Kènè lako mulai menulusi.

  • Jakaen kadè sambing si lot i perpustakaen Balè Kerajaen?

  • Isè boi mengurupi Kènè kipakkè perpustakaen èn?