Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 5

Kadè Lapatenna mi Ndènè Tikki Roh mi Perpulungen Nami?

Kadè Lapatenna mi Ndènè Tikki Roh mi Perpulungen Nami?

Argentina

Sierra Leone

Belgia

Malaysia

Mbuè kalak oda nè nggèut roh mi acara keagamaen kumerna kalak i oda dapet peneggu-neguen pertendien dekket pengapoen. Jadi, kadè ngo lapatenna Kènè roh mi perpulungen Kristen Saksi-Saksi Jahowa? Kadè sambing boi ijalo Kènè i si nai?

Mersampang atè kumerna rebbak mi kalak perlamlam dekket perkelleng. I abad perjolo, kalak Kristen iorganisasi i bagas kuria-kuria, janah memaing perpulungen lako mersembah mi Dèbata, mersiajar Lapihen Simbadia, dekket mersiarah-arahen. (Heber 10:24, 25) Tikki merpulung, kalak i mengakapken ngkelleng, dos bagè merpulung dekket supan-supan, imo dengan-dengan pertendien kalak i. (2 Tesalonika 1:3; 3 Johanes 14) Kami mengèkutken codien kalak Kristen i abad perjolo janah tong ma mengakapken sampang atè.

Lapatenna kipelajari cara memakkè prinsip Bibèl. Bagè i jaman Bibèl, daholi, daberru, manang pè anak-anak rebbakken merpulung. Guru-guru si pandè memakkè Bibèl lako mengurupi kita mengulaken prinsip-prinsipna mi kenggelluhen gennep ari. (5 Musa 31:12; Nehemia 8:8) Karina boi rebbak merendè, menjawab kuso-kuso, kijaka ayat-ayat Bibèl, manang pè sidèbanna, asa boi memagahken pengharapen mi jelma sidèban.Heber 10:23.

Kepercayaen mi Dèbata ipetegguh. Apostèl Paulus memagahken sada kuria i jamanna ”Ai sun ngo sèkel ukurku naing mengidah kènè, . . . nai ndorok mo kita mersipegasangen ukur.” (Rom 1:11, 12) Nggati pejumpa dekkèt dengan-dengan sada kepercayaen i perpulungen boi petegguhken kepercayaenta dekket petubuhken lemmo atènta asa nggelluh sedalan bagè prinsip Bibèl.

Kami mendilo Kènè asa roh mi perpulungen i kuria nami janah mengakapken lapatenna. Kènè pasti ijalo ibagasen atè nai. Oda lot mengido kèpèng—oda lot durung-durung.

  • Codien kadè si nièkutken perpulungen kuria nami?

  • Kadè lapatenna Kènè roh mi perpulungen Kristen?