Selandia Baru

Jepang

Uganda

Lituania

Perpulungen Kristen i abad perjolo biasana merendè, mersodip, dekket menjaka janah kibahas Lapihen Simbadia; oda lot upacara kadè pè. (1 Korintus 14:26) Kira-kira bagimo perpulungen nami.

Pengajarenna i Bibèl nai janah boi idalanken. I punca minggu, karina kuria merpulung lako memeggè sada jamita i Bibèl nai tersèngèt bakunè hubungen Bibèl mi kenggelluhen dekket jamanta bagèndari, jamita èn ndekkahna 30 menit. Karina si roh ipido asa kibukka ayat-ayat si ijakaken. Sidung jamita, lot ma Pelajaren ”Menara Pengawal”, imo kibahas majalah Menara Pengawal edisi pelajaren, karina si roh boi menjawab kuso-kuso, kijaka ayat-ayat Bibèl, manang pè sidèbanna. Pembahasen èn mengurupi kami memakkè peddah Bibèl mi kenggelluhen. Majalah sibagidi ipelajari ma i 110.000 kuria i suberri dunia èn.

Kami iurupi asa boi makin pandè mengajar. Tikki pertengahen minggu, lot ma ièkuti kami sada perpulungen si merisi ­tellu acara. Perjolo, Pelajaren Bibèl Kuria ndekkahna 30 menit. Cara pembahasen i acara èn imo merkitè mengkuso dekket menjawab si boi pebagas perbinettohen nami mi prinsip dekket ramalen Bibèl. Sidung kessa i, lot nola Sikkola Perberita Kerajaen ndekkahna 30 menit, imulai merkitè pembahasen piga-piga pasal Bibèl si enggo ijaka anggota kuria. Baru, piga-piga kalak si terdaptar i sikkola èn pesakatken sada contoh si tiruen. Sada kalak merrèken peddah lako mengurupi kami boi kipetoko cara menjaka dekket mengajar. (1 Timoteus 4:13) Perpodi, merkitè jamita, contoh sitiruen, dekket cerita pengalamen i acara Peneggu-neguen Ulaan Perberita ndekkahna 30 menit, kami mersiajar carana mengajarken Bibèl mi jelma sidèban.

Mula Kènè roh mi perpulungen nami, perasaen Ndènè pasti sennang mengidah mendèna pengajaren Bibèl si ijalo Kènè.—Jesaya 54:13.

  • Acara kadè sambing boi iakapi Kènè i perpulungen Saksi-Saksi Jahowa?

  • I perpulungen si apahna ngo Kènè naing roh?