Spanyol

Belarus

Hong Kong

Peru

Sinderrang oda dèng Jesus matè, ia mendokken, ”Nai ibagahken mo mi suberri dunia ènda Sukuten Kelluahen terrèngèt Kerajaen Dèbata, asa karina jelma mendengkohsa. Enggo kessa i roh mo ari kiamat.” (Mateus 24:14) Bakunè perberitaen Kerajaen i suberri dunia èn iulaken? Merkitè mengèkutken codien si itetapken Jesus tikki ia i babo tanoh èn.Lukas 8:1.

Kami merusaha mendahi karina jelma sapo mi sapo. Jesus kiajari sisiinna lako kibagahken berita simerandal sapo mi sapo. (Mateus 10:11-13; Ulaan Apostèl 5:42; 20:20) Penginjil abad perjolo i itugasken lako merberita pellin i bekkas si itentuken. (Mateus 10:5, 6; 2 Korintus 10:13) I Jaman bagèndari, ulaan merberita mendè kalohon iorganisasi, janah gennep kuria iberrè bekkas si itentuken lako ikerèjoken. Merkitè bagidi, kami boi kiulaken perèntah Jesus lako ”menjamitaken dekket memmedahken taba jelma nterrem”.Ulaan Apostèl 10:42.

Kami merusaha kijumpai kalak manang i dikè sambing. Jesus pè merrèken codien merkitè merberita i bekkas si mbuè jelma, contohna i biding tao manang i biding sumur. (Markus 4:1; Johanes 4:5-15) Kami pè memagahken mi kalak tersèngèt Bibèl i dikè sambing—i dalan, i bekkas pertiga-tiga, i pekken, manang pè merkitè telepon. Sidèbanna, kami merberita mi dengan sakuta, dengan kerèjo, dengan sakelas, dekket pamili nami mula lot kesempaten si cocokna. Karina usaha èn merrèken kesempaten mi jutaen jelma i suberri dunia lako mendengkohken ­”sukuten lolo atè magahken enggo ipaluah kita”.Psalm 96:2.

Nggèut ngo Kènè kibagahken berita simerandal tersèngèt Kerajaen Dèbata dekket lapatenna mi kenggeluhenta i ari kaduan? Berita harapen èn oda lako iboniken. Bagahkenmo mi kalak mulai bagèndari!

  • ”Berita simerandal” kadè kennah ibagahken?

  • Bakunè Saksi-Saksi Jahowa kitiru cara Jesus merberita?