Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

Nggèut ngo Kènè Mengulaken Lemmo Atè Jahowa?

Nggèut ngo Kènè Mengulaken Lemmo Atè Jahowa?

Lias atè kumerna enggo memaing tikki lako kipelajari brosur èn lako menandai Saksi-Saksi Jahowa makin ncelket, memettoh ulaan nami, dekket mengidah bakunè kerèjoen organisasi nami. Kami sennang mula Kènè enggo iurupi lako menandai kami si mengulaken lemmo atè Jahowa i jaman bagèndari. Kami sennang mula Kènè terus dapet perbinettohen tersèngèt Dèbata, kibagahken si enggo ipelajari mi simpangaan dekket dengan-dengan Ndènè, janah terus mersaor dekket kami i perpulungen Kristen.Heber 10:23-25.

Makin mbuè Kènè mersiajar tersèngèt Jahowa, makin satdarmo Kènè mula ngkelleng kalohon Ia bai Ndènè. Kumerna i, Kènè boi makin mertuhu-tuhu mengulaken peddah Jahowa lako kibalas ngkellengNa. (1 Johanes 4:8-10, 19) Tapi, bakunè Kènè boi mengulaken si bagidi i kenggelluhen gennep ari? Kasa hatoren Dèbata merlapaten bai Ndènè? Janah, kadè ngo si boi memaing Kènè sennang mengulaken si ikelemmoken Dèbata rebbak dekket kami? Guru si mengajarken Bibèl bai Ndènè sennang lako kibahas kuso-kuso i asa Kènè dekket simpangan Ndènè boi ’tettap i masèh atè Dèbata, janah memèma kenggelluhen situhunna’.Judas 21.

Asa Kènè boi terus kibaing kemajuen i dalan kesèntengen, kami mendilo Kènè lako kiterusken pelajaren Ndènè memakkè bukku èn ”Tetaplah Berada dalam Kasih Allah”.