Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 19

Isè ngo Naposo si Setia janah Bijak?

Isè ngo Naposo si Setia janah Bijak?

Kita karina dapet lapaten i panganen pertendien nai

Sinderrang oda dèng matè, Jesus mengerana mi empat sisiinna—Petrus, Jakobus, Johanes, dekket Andreas. Tikki meramalken tanda pekirohna i ari perpodi, Jesus memaing sada kuso-kuso penting, ”Naposo apai ngo sètia janah bijak? Ia mo ipebangkit indukna mahan ekuten perkebbas sidèban, asa iberrè kalak i mangan tupung kettika sienggo itentuken.” (Mateus 24:3, 45; Markus 13:3, 4) Jesus kipeposken ukur sisiinna mula ia lako kipilih piga-piga kalak lako memerrè panganen pertendien mi karina pengèkutna i jaman perpodi. Isè ngo maksudna naposo èn?

Naposo èn imo sada pulungen kèdèk pengèkut Jesus si ipilih tendi perbadia. ”Naposo” èn igerari Pulungen Pengulu Saksi-Saksi Jahowa. Naposo èn memaing panganen pertendien i tikki si cocokna mi karina si kisembah Jahowa. Kami pellin merharap mi naposo si setia èn asa boi tong dapet ’bekkel panganen i tikki si cocokna’.Lukas 12:42.

Kalak i mengurus simpangaan Dèbata. (1 Timoteus 3:15, LAI) Jesus memerrè tanggung jawab mbelgah mi naposo èn asa mengurus ulaan organisasi Jahowa i babo tanoh èn—mengurus harta, mengatur ulaan penginjilen, dekket mengajar kami merkitè kuria. Jadi, asa boi cukup keperluen nami i tikki si cocokna, ”naposo setia janah bijak” kibagiken panganen pertendien merkitè merbagè jakaen si ipakkè kami i tikki menginjil, merkitè acara si ipesakat i perpulungen dekket kebaktian.

Naposo èn setia mi kesèntengen Bibèl manang pè mi tugasna lako pesohken berita merandal, dekket bijak lako mengurus kepentingen Kristus i babo tanoh èn. (Ulaan Apostèl 10:42) Jahowa kipasu-pasu ulaan kalak i merkitè pertambahen dekket panganen pertendien si mbuè kalohon.Jesaya 60:22; 65:13.

  • Isè itetapken Jesus lako memerrè panganen pertendien mi karina sisiinna?

  • Kasa naposo èn idokken setia janah bijak?