Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 6

Kadè Lapatenna Merdengan dekket Dengan-Dengan Kristen?

Kadè Lapatenna Merdengan dekket Dengan-Dengan Kristen?

Madagaskar

Norwegia

Lebanon

Italia

Belli pè kami kennah merdalan ndaoh manang menahan udan nderras, tapi lalap ngo roh kami mi perpulungen Kristen. Belli pè menggongken mbuè masalah manang ledja kerèjo sedarien, kasa Saksi-Saksi Jahowa merusaha lako pejumpa dekket dengan-dengan Kristen i kuria?

Pertendien nami gabè makin mendè. Paulus kibagahken mi kalak i kuria lako ”mersiantoen mo kita samah kita”. (Heber 10:24) Kata èn maksudna ”kipikirken mendè-mendè”, manang menandai samahta. Jadi, kata-kata Paulus kisemangati kami asa kiperdatèken jelma sidèban. Merkitè menandai simpangaan Kristen sidèban, kami boi memettoh mula piga-piga enggo merhasil kigongken tantangen dos bagè si iakapi kami, janah kalak i boi kiurupi kami menggongkensa.

Memaing perdenganen gabè ncelket. I perpulungen, kami pejumpa dekket dengan-dengan si ncelket, oda ngo mi dengan-dengan biasa. I tikki sidèban, kami sennang boi rebbak merdalan-dalani manang rebbak mangan. Kadè ngo lapatenna memaing bagi? Kami makin kipesangap dengan-dengan nami, janah ngkelleng nami makin tegguh. Mula lot dengan nami kigongken masalah, sennang ngo kami kiurupi kalak i kumerna enggo ncelket perdenganen nami. (Peddah 17:17) Merkitè mersaor dekket karina anggota kuria, kami petuduhken mula kami ’kiperdatèken samah kami’.1 Korintus 12:25, 26.

Pengidoen nami bai Ndènè, pilihmo dengan-dengan si mengulaken kadè si ikellemoken Dèbata! Kènè boi pejumpa dekket kalak si bagidi i kuria Saksi-Saksi Jahowa. Ulang mo sangsi Kènè lako mersaor dekket kami!

  • Kasa mersaor i perpulungen merlapaten kalohon?

  • Dahari Kènè naing menandai kuria nami makin ncelket?