Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 23

Bakunè Merbagè Jakaen Nami Isuratken dekket Iterjemahken?

Bakunè Merbagè Jakaen Nami Isuratken dekket Iterjemahken?

Bagien Penuraten, Amerika Serikat

Korea Selatan

Armenia

Burundi

Sri Lanka

Asa boi magahken ”sukuten kelluahen” mi ”gennep bangsa, marga, kata dekket kaum”, kami memaing merbagè jakaen kira-kira i 700 bahasa. (Alamat 14:6) Bakunè kami mengulaken kerèjoen si mahal èn? Merkitè pengurupen perkerèjo penuraten i mbuè nagerri dekket kira-kira 3.300 si menerjemah—karinana Saksi-Saksi Jahowa.

Surat aslina isusun i bahasa Inggris. Pulungen Pengulu kiperdatèken ulaan Bagien Penuraten i kantor pusat sedunia. Bagien èn kiperdatèken ulaan karina penurat i kantor pusat dekket i kantor-kantor cabang si itentuken. Kumerna lot piga-piga matcam perkerèjo penuraten, kami boi kibahas mbuè pelajaren i mbuè kebudayaen nai, i memaing merbagè jakaen nami merasa ijaka kalak i mbuè bangsa.

Suratna i ikirim mi karina penerjemah. Enggo kessa ipetoko dekket isetujui, teks elektronikna i ikirim merkitè Internet mi karina kelompok penerjemah i suberri dunia, si menerjemah kiperèso terjemahenna seppè dekket kiperèso tata bahasana. Kalak i merusaha lako menulusi kata-kata si ”tuhu” si boi pesakatken karina lapaten teks i bahasa Inggris mi bahasa kalak i.Perjamita 12:10.

Komputer memaing cara kerèjona gabè ndor. Komputer oda boi menggancihi ulaan penurat dekket penerjemah. Tapi, kerèjoen kalak i boi makin ndor kumerna memakkè kamus, program, dekket alat penulusen i komputer. Saksi-Saksi Jahowa kibaing Sistem Penerbitan Elektronik Multibahasa (MEPS), sada program si boi pedemmuken teks manang gambar i ratusen bahasa dekket kiatur tata letak teks asa boi icetak.

Kasa kami kennah merusaha kalohon lako mengulaken si bagidi, belli pè bahasana pellin ipakkè piga-piga ribu kalak? Kumerna Jahowa mengkelemmoken asa ”karina jelma maluah janah menandai kesèntengen”.1 Timoteus 2:3, 4.

  • Bakunè penuraten merbagè jakaen nami ibaing?

  • Kasa kami kiterjemahken merbagè jakaen i mbuè bahasa?